@shaimaashaddad

Dr Sham

Ask me anything Follow
Ask @shaimaashaddad

Sort by:

LatestTop

Previous

اي منفسكيش تحبي ؟

لا إله إلا الله
ما يمكن بحب انتوا دخلتوا جوايا يعني
بتقولوا كدا ع أساس ايه مش فاهمة
وايه اللي جاب اعجابكم للحب أنا نفسي أعرف😒
3
Liked by: مـحمـود mohamed_hazem Khaled

Related users

strongAyouta19’s Profile Photo Aya badr ✨
ahmedzeco138’s Profile Photo Dr Ahmed Zakaria
T0rMenT0r’s Profile Photo عــمٰــارّ ツ
maryammostafa4860’s Profile Photo rooma
moanesanassar’s Profile Photo مـ ؤ مـ ـن
moelzarif’s Profile Photo MOHAMED
rerybentel7agali’s Profile Photo رانيا علي (الست هانم)
mahmoouudali7’s Profile Photo メØ.7 ♞
hagerali62515’s Profile Photo هاجر ..
fathymariem52’s Profile Photo ميريتامين
Mohamed123salah4’s Profile Photo 【محمد】

بااااااس انا غلطان ان سألتك اصلا 🤣🤣🤣

mohamedhazem_’s Profile Photomohamed_hazem
😂😂🤦‍♀️غلطانين فعلا دا فتحتوا عليا فتوحة وامشوا من هنا بقى قبل ما أفتكر حاجة تانية واكمل😳
7
Liked by: Mohamed Amer Omnia Mohamed Ahmed Abdella مـحمـود Mahmoud Shokry Mohamed Badawy
+13 answers in: “اي اكتر حاجه ممكن تعصبك في السوشل ميديا في العموم؟”

كل ده يا نهار ابيض 🙂

mohamedhazem_’s Profile Photomohamed_hazem
وأكتر وأكتر🙄
دا مش حاجة والله من اللي بشوفه ومن اللي بيحصل
يعني اه مثلا يا جماعة نقطة بس أوضحها فيه ناس وراها شغل ومسئوليات وأهل وبيت وحاجات بتعملها صلاة وأكل وغيره المعظم تقريبا ياريت لما محدش يرد علينا في ساعتها نبقي نقدر دا هو مش هيبقى ماسك الفون في ايده ٢٤ ساعة مثلا
ودا مش معناه تجاهل ولا اي حاجة خالص هو بس بيكون مشغول شوية أو يمكن معندوش طاقة لا يشوف رسايل ولا يحكي ولا يتكلم وعايز يكون مع نفسه شوية
زي ما بتبعتوا للناس في أوقات فراغكم وفي الوقت اللي يناسبكم هما كمان من حقهم دا
اما تعاتبوهم مرة واتنين وتعرفوا ان دا نظام حياتهم وانشغال دايما وكدا يبقى نقدر دا ونستني اما الشخص يفضي ويخلص اللي وراه وهيرد عادي
ومالكوش الحق تزعلوا منهم كل واحد عنده حياته اللي محدش يعرف عنها حاجة
لا دا فاتح ومردش عليا ازاي يعمل كدا
قولت فوق بيكون يا إما بيعمل شغل علىه يا اما بيدخل يكلم اهله بس في حاجة ضرورية و يطلع ولو قعد يرد ع كل الرسايل اللي جياله في ساعتها مش هيخلص
ويمكن واحد فاتح بيقلب في تطبيقات لكن لا بيكلم حد ولا بيرد
تزعلوا بقى لو اتأكدتوا ان دا تجاهل منه فعلا وقيمتكم قليلة عنده غير كدا لا
تزعلوا لما تكون حاجة مهمة ومينفعش فيها تأخير غير كدا الكلام الهايف الباقي دا يستنى عادي
تزعلوا لما الرسالة تنشاف وتنفتح وميحصلش رد
ومع ذلك نعاتبهم برضه مش يمكن اتفتحت غصب عنهم وهما مش واخدين بالهم ومتقريتش اصلا! مش يمكن مثلا لو واتس الشخص قفله فجأة فالرسايل موصلتش أو لما انت قفلته الرسايل موصلتش حصلت قبل كدا مع واحدة صاحبتي ولله كانت هتوقفلي قلبي وكنت رايحة اكشف عليه اصلا💔🙂وجيبتلها الدليل اني رديت عليها وان الرسايل اهي وهي اللي مشافتهمش
وأثبتلها انها الغلطانة بالآخر🙂
اما نتأخر ع رد أو بتاع برضه نبقي نقول ومن نفسنا منستناش حد يعاتبنا دا غصب عننا عشان كذا وكذا لان غالبا فيه ناس بتزعل وتكتم في نفسها ومتعاتبش وتفكر انك مبقيتش تهتم بيهم يبقى تطمنوهم ان الحكاية مش كدا وممكن تعتذرولهم عادي
ياريت يا جماعة نقدر ونفهم ظروف غيرنا
احنا كبرنا وكل واحد عارف انه ممكن يكون فاتح بس مش ع باله يرد ولا يعمل ومعندوش طاقة لدا يبقى نراعي بعض شوية ونفهم منهم الأول قبل ما نظلمهم
نزعل بس نعاتب واي حاجة ضرورية ابقوا اتصلوا ع بعض أفضل لان ممكن الشخص مبيشوفش رسايلك وقتهاوتشيلوا من بعض ع الفاضي💔💔💔

View more

5
Liked by: Omnia Mohamed مـحمـود Rofaida aseelzaza
+13 answers in: “اي اكتر حاجه ممكن تعصبك في السوشل ميديا في العموم؟”

.....

مش عارفة كتبت كل دا ازاي😂😂
أتمنى تقروه أنا محروق دمى بسبب حاجات كتير بتحصل وبشوفها بتحصل لغيري وبحاول أغير منهم ومن تفكيرهم ع قد ما أقدر ولو فضلت أكتب والله ما هخلص🤦‍♀️
ربنا يهدينا جميعا❤️💛...
مش عارفة كتبت كل دا ازاي أتمنى تقروه أنا محروق دمى بسبب حاجات كتير بتحصل
3
Liked by: Omnia Mohamed Ahmed Abdella مـحمـود
+13 answers in: “اي اكتر حاجه ممكن تعصبك في السوشل ميديا في العموم؟”

.....

تقريبا عدد الحروف خلص😂
حاجات كتيرة والله تحرق الدم
عاملين الأكونتات دي نود بيها بعض ونخفف بيها عن بعض ونكون عن طريقها جنب بعض دايما في الفرح والحزن قبله
مش عشان نحط ع غيرنا ولا نأذيه في مشاعره ولا نستغل مكان زي الاسك مثلا وصراحة عشان خاطر نشتم ونهين غيرنا بدون أدني رحمة انتوا آخركم تعاتبوا بس دا لو بتحبوا الأشخاص دي فعلا انما ازاي بتوصل معاكم لاهانة غيركم وبتناموا كدا مرتاحين البال والضمير عادي وخصوصا لما تكونوا انتوا اللي غلطانين🙂
اي تطبيق مثلا والنيك توك بالذات اغنية ورقص تلاقي مشاهدات قد كدا
فيديو قرآن أي حاجة مفيدة وحد تعبان فبها مبتتقدرش ومبتلاقيش عليها لايك واحد حتي وبيشوفوها يعدوها زيها زي أي بوست في أي مكان
المفروض بالذات الحاجات اللي زي دي يا نشيرها ونفيد غيرنا بيها ع قد ما نقدر يا ع الاقل نسخ ونفيد غيرنا بيها برضه مع اسم المصدر ونكتب منقول تحت لو مبنحبش المشاركات يعني ومسمهاش سوقك ولا حاجة خصوصا في الحاجات اللي زي دي
لو صفحات دينية أو غيره تلاقي الصفحات الضحك وغيرها هي اللي كسبانة
عاملين الأكونتات دي عشان نساعد بعض بأقل حاجة ونجبر خاطر بعض
العالم قاسي جدا مش هنكون احنا والعالم ع غيرنا كمان
فياريت رجاءا يا تردوا رد حلو ع الناس يا ميتردوش أحسن
مش حاجة حلوة خالص تكسر بخاطر ع حد ع فكرة وانه لما حدا يكون محتاج للمساعدة ويكون بإيدك دا ومتعملوش
كان الله في عون العبد ما دام العبد في عون أحيه💛❤️...
وتعاونوا ع البر والتقوى ولا تعاونوا علي الإثم والعدوان❤️💛...
حاجة أخيرة الزمن دا وحش جدا
أما تلاقوا حد بيعمل حاجة حلوة أو بيساعد غيره وبيجبر بخاطرهم ياريت ياريت لو في ايدكم تشجعوه بكلمة وتمدحوه ابقوا اعملوا قولوا ربنا يكتر منكم شجعوا الناس ع الخير وشجعوا الناس تفضل طيبة عشان في الزمن دا بقوا نادرين جدا للأسف
كمان أما تلاقوا حد ذوق في الرد والتعامل ياريت ياريت نتعلم منه بدل ما نروح نقوله كلمة تزعله كدا ولا كدا ونفهمه غلط
ياريت يا جماعة اما حد يكتبلكم كلام من قلبه ردوه مضاعف ع الاقل بالمثل
انما جو حدا كاتبلك يامة يساعدك أو يفرحك بيه وتقوم ترد عليه بكلمة أو كلمتين دا بطلوه قدروا اللي بيتعمل عشانكم شوية ومتخلوش حد يندم ع وصلكم متكسروش بخاطر حد جه يفرحكم حتى لو متعرفهومش ولا يعرفوكم
الكلمة الطيبة صدقة والدعاء أفضل شي تردوا بيها معروف ناس زي دي❤️💛...

View more

3
Liked by: Omnia Mohamed Ahmed Abdella مـحمـود
+13 answers in: “اي اكتر حاجه ممكن تعصبك في السوشل ميديا في العموم؟”

اي اكتر حاجه ممكن تعصبك في السوشل ميديا في العموم؟

mohamedhazem_’s Profile Photomohamed_hazem
حاجات كتيير
أكتر شي الناس اللي بتحشر نفسها في حياة غيرها واللي بيفهموا كل حاجة ع مزاجهم ويتهموك بحاجات محصلتش ويظلموك ويتنمروا عليك
أما تنزل بوستات عادية وخصوصي بقا لو دينية قصدك منها إن كل واحد يشوفها يعمل بيها تلاقيهم بيعلقولك ع انك فيك حاجة بس مشكورين برضه لكن طالما قولت عندي صفحات مثلا وبنزل بوستات انا عامة للناس مش ليا ولا ليها علاقة بيا يبقى لازم تتفهم النقطة دي كويس والمفروض نفرق بين الاتنين عشان زهجت😂🤦‍♀️
قلة الذوق في الرد ع الناس أو لما يجوا يقولوا رأيهم ويعلقوا ع حاجة
بيتفننوا في أذية الناس اللي هو ممكن يسكتوا بس لا ازاي لازم نكسر بخاطر اللي قدامنا عشان نبان روشين وجامدين
حاجات كتيرة وسوء تفاهم كبير بيحصل في الكلام لانه كتابة مش بيبن الحقيقة ولا مشاعر الشخص اللي قدامك ولا غلاوته عندك ولا غلاوتك عنده في حين لو بيتكلموا وش لوش أو صوت كانوا فهموا بعض أكتر ومزادتش المشكلة وإنها بتنتهي عموما بلوكات وزعل وخصام
وعايزة افهم الناس حاجة بس إن والله غالبا حقدكم علينا بيبان في الكلام حتى وهو كتابة ومش واخدين بالكم
كذبكم ونفاقكم كمان فابقوا خدوا بالكم الله يرضى عنكم
خلت الناس متزورش ولا تود بعض لإنهم بيوصلولهم دايما عن طريق رسالة بس دا أحسن من إنهم ميسألوش خالص برضه
كمان لما بيستخدموه غلط وفي حاجات تضرهم وياريتها جات ع انهم بيضروا نفسهم بس بيضروا غيرهم كمان خصوصا لو ناس مشهورة أوي وناس كتيرة بتشوف كلامهم أو تسمعلهم
تطبيقات كتيرة محتاجة رقابة زي التيك توك دا مثلا يعني أقل شي أي بنت تقل أدبها وتطلع بشكل غير لائق تنحظر وميتقبلهاش تنزل فيديوهات تاني مع العلم إن كله غلط اصلا بس اهو نقلل من دا شوية
كمان نفسي الاكونتات اللي مش كويسة إدارة التطبيق نفسه تمسحه متستناش بقاا البلاغات والكلام دا خصوصا لو عامله يعصي بيه ربنا
خلت الناس تعمل الذنب وتجهر بيه
الناس بقا اللي لما ادخل اقرا تعليقات عند ممثل أو حد مشهور أو عاطيين رأيهم في حاجة حصلت من غير ما حتى ما يفهموا كويس دي بقا أكبر مشكلة تلاقي فيه وقاحة وقلة أدب وذوق غير طبيعية في التعليقات اللي هو مش فاهم وكمان بتتكلم وبتأذي غيرك دا ع أساس انه مش بشر زيك مثلا ومش هيشوف كلامك
حقيقي أكتر حاجة بتحرق دمى بابقي نفسي ادخل افهم كل واحد كاتب تعليق غلط بس هفهم مين ولا مين ولا مين بس💔😂لنا الله والله وما لنا سواه❤️🤦‍♀️

View more

4
Liked by: Omnia Mohamed مـحمـود Ahmed Abdella
+13 answers Read more

Next

Language: English

4.1

1,266,418 reviews
© Ask.fm 2024