مهما صارتلك تجارب بالحياة . ومهما اشتغلت ومهما عشت وجربت ماراح تحب غير الشخص الطلع احلى شي بيك . الي ساعدك تصير اقوى . والي بكل وكت يحب يسمع التكوله . الشخص الكاعد وياك ويفكر بحيرتك وسكوتك ويكلك وداعتك كلها تهون . الميحجي هواي وملتهي بحياته وتلتمس محبته برسالته وبسؤاله على حالك . بمكالمته المابيها اَي مصلحة غير بس يعرف انت بخير وعايش مرتاح . الشخص التصيرلك مشكلة وتحس هو صدك خايف عليك . الانسان الماخذك على عيبك ومقتنع بهالصفة بيك ويتعامل وياك مثل ماهو مثل ماتتعامل وياه مثل ماانت . بكل ضعفك وانهزامك . بكل افراحك وانتصارك ، مجرد وجوده بحياتك يفرق حتى لو هو مموجود وياك بكل وكت . هاذ الشخص الي لازم نحبه اما باقي الشخصيات فممكن تكون العلاقه اعجاب او اعتزاز او تعواد فقط لا غير