المايه السخنه في حالات الولاده زمان كانوا بيعملوا بيها ايه ؟! تقريبا السؤال ده حير أغلبنا طبعا غير انها بتستخدم لتعقيم الأدوات فكان فيه اعتقاد ان الطفل لو نزل برجليه ولأن الحراره جوه رحم الام مختلفه عن درجه حرارة الغرفه فالجهاز التنفسي هيشتغل والطفل راسه جوه وهيتخنق ويموت فبيبلوا فوطه بالمايه السخنه ويمسكوا بيها الطفل وهو نازل عشان جهازه التنفسي ميشتغلش ....وطبعا الاعتقاد ده خاطىء لان الجهاز التنفسي مش بيشتغل غير لما الطفل يصرخ وده اللي بنسميها "صرخة الحياة"
الحب بيستمر مده طويله وبيتغلب علي مشاكل كتير وبينتصر في النهايه الاعجاب بينتهي بعد فتره طويله او قصيره مش مهم المهم انه بينتهي بمجرد فك رموز الشخص اللي كنت معجب بيه الفراغ العاطفي هو الرضا بأي حد حتي لو شخص سيء بس عشان نشبع رغبه جوانا وممكن اللي عنده فراغ عاطفي يعرف كل يوم واحد مثلا
الدوخه اللي بتيجي فجأه لما تكون نايم وتقوم واللي بتسبب عدم توازن دي سببها ايه؟ سببها انك بتقوم فجأه فبيحصل انخفاض جامد في ضغط الدم وبيكون مش واصل الدم للدماغ بصوره كويسه ويبدأ يحصل توازن تاني والضغط يتظبط زي بالضبط لما تكون زجاجة مياه في نصها مايه وتوقفها فجأه المايه كلها بتنزل تحت بفعل الجاذبيه فنعمل ايه لنتجنب ده...؟ لازم اول ما نصحى نفضل شويه وبعدين نقوم نقعد شويه لحد ما نفوق