مش عارفه اقول ايه بالظبط… See more

#الجنايني hashtag on ASKfm - Search people by interest

Q: أين شخصك المفضل ؟!👀

سارة في مطروح زينب في… See more

Q: ‏إسقاط الصورة الأولى بالمعرض الخاص بِك مهما كانت غريبة 🦩

أنا وسارة الجنايني ❤️❤️ في… See more

Q: مكان الورد دا بيبقى عندك فالبيت ولا بتروحي مكان معين تصوري ؟ ليكي فالزرع ؟

اه في البلكونة 🌻🌸 بحب… See more

Q: لو متقدملي واحد كويس وكل حاجة بس الفرق المادي ما بينا كبير جدا بيلبس من احسن الماركات وماسك احدث موبايل والاجازة كلها سفر وانا مروحتش اسكندريه حتى اوافق واديله فرصه ولا لا ؟

لا ، الا لو تعرفوه… See more

أين شخصك المفضل ؟!👀

يوُرآ✨❤️

Samaa✨

December 05, 2023

سارة في مطروح
زينب في طنطا بس مش عارفين نتقابل للأسف
بسول في السعودية
ياسر وچنى ورزان في إيطاليا
سارة الجنايني في القاهرة

🥲🌝

Liked by: Yahya Bashaireh narjes abualhasan Möyæd Abdelrahman

12 facts about you??

Samaa✨

May 20, 2022

مش عارفه اقول ايه بالظبط 😂

• اتخرجت من طب 🧑🏻‍🎓
• تخصصي ENT “أخيرًا لقيت حاجة اكتبها" 😂
• بسول هو الطفل المُفضل عندي في العالم 🗺 وأنا خالتو ❤️ وبحب ولاد اخواتي كلهم جدًا ❤️
• مزاجية 🙄
• مبحبش أذاكر وبتوتر ف الامتحانات جدًا 🤯
• اصحابي بعشقهم خاصة سارة وزينب 💙💙 وسارة الجنايني وسارة الجبلاوي وكل المقربين الحقيقة 💙
• عبد الرشيد صوفي هو الشيخ المفضل عندي في القرآن 💙 والحُصري طبعًا 💙
• بحب التصوير جدًاا والبحر والسماا 💙
• بحب في الألوان ال baby blue , dusty pink, mint green, white, peige & yellow 💛 bright colors 🎨
• دبدوبي اسمه "وسيمـ" 🐻‍❄️
• حيواني المُفضل "الباندا" 🐼
• مبكدبش وصريحة وواضحة وضوح الشمس 🌞😂

Liked by: Amr Khaled °♡°Mai syam°♡°

‏إسقاط الصورة الأولى بالمعرض الخاص بِك مهما كانت غريبة 🦩

Noureen Hassan

Samaa✨

February 22, 2022

أنا وسارة الجنايني ❤️❤️
في سكشن الميكرو ❤️❤️ السكشن ده كان بدايتي لتصوير اصحابي في الكلية ❤️
2015 ❤️

إسقاط الصورة الأولى بالمعرض الخاص بك مهما كانت غريبة

Liked by: طه. Z I C O Noureen Hassan

مكان الورد دا بيبقى عندك فالبيت ولا بتروحي مكان معين تصوري ؟ ليكي فالزرع ؟

Alaa Adel

October 18, 2021

اه في البلكونة 🌻🌸
بحب الزرع جدا ❤️
إمبارح كنت عم عبده الجنايني في نفسي
و ماسكة المقص و الخرطوم و بهدلت نفسي و بهدلت الزرع بس ان شاء الله عايشين 😂😂

Liked by: Dina Mahmoud El Helaly Tasneem Abdallah Mohamed Saif Asmaa 7amdy A7med Mar3y إبْرَاهِيمُ الشرِّبِينِي ✨ "سُكر" ⚖️ᥫ᭡' Fares Hamza

لو متقدملي واحد كويس وكل حاجة بس الفرق المادي ما بينا كبير جدا بيلبس من احسن الماركات وماسك احدث موبايل والاجازة كلها سفر وانا مروحتش اسكندريه حتى اوافق واديله فرصه ولا لا ؟

إسلام خيرى

October 05, 2021

لا ، الا لو تعرفوه وتعرفوا عيلته كويس جدا
حصلت في بلدنا ، واحد كان واخد دكتورة وكانوا علي اد حالهم بس الواد هو وعيلته كانوا اغنياء ، البنت اطلقت منه بعد اسبوع ، امها تعرف امي والله انا مستاء اقول كان بيعايرها ازاي ، كان يمسك هدومها ويقولها ايه اللي انت جايباه ده ، انتم جايبنه من السوق من الواحدة ب 7 ونص
متخيلة الوطيان والقذارة وصلت لايه
فلو هو غريب عنكم ومتعرفوهمش ، بلاش احسن ، مهما كان معدنه ، زمان مكانش ينفع بنت الملك تتجوز ابن الجنايني عشان الاختلاف ده هيولد مشاكل كثير ، ومفيش حاجة اسمها حب

Liked by: سامح العيدروس Reem Metwally حمآس مصطفى 3yad... ☠️

الفصل الثاني '' جزء ثالث '' ..

Aحmad

February 18, 2017

جدي ابتسم و قالي : '' عاوزني أموته ليك ؟؟ '' قالها و هو بيبتسم إبتسامه خبيثه .. قلتله : '' مش هرتاح غير لما ده يموت '' ..
جدي بص لعمي و قاله : '' ابدأ الإخلاء و خد أهلنا و سافروا كلكم علي الهند .. زي ما كنّا متفقين علي خطة الهروب لو حصلنا مشكلة .. أما أنا هخلص موضوع مع مَالِك و أحصلكم .. ما تنساش تاخد الفلوس كلها و الممتلكات الى جمعناها الكام سنه الي فاتوا شكلنا مش هنعيش هنا تاني .. '' ..
عمي حسن قال :'' طب ليه مش هتيجي معانا ؟؟ '' ..
جدي قاله : '' لازم أشرف علي عملية ولادة الغول بتاعنا .. '' و بصولي هم الاتنين في نفس اللحظة ..
.
.
.
بعدها ب٥ أيام .. في حي من أحياء القاهره القديمة كنت قاعد في بيت متهالك من ممتلكات عائلتي .، و كان جدي بقاله يومين برا البيت .. كنت هموت من الجوع .. فجأه الباب خبط .. و جدي دخل كان شكله مرهق جداً و قالي :'' يلا تعالي .. عندنا مشوار مهم '' .. فعلاً مشينا أنا و هو .. رحنا للمقابر .. و وصلنا لتربه معينه .. و فتحها جدي .. و قالي :'' خش عاملك مفاجأة '' .. دخلت فعلاً و كنت خايف جداً .. متنسوش بردوا إني كنت طفل عندي ١١ سنه وقتها .. الدنيا كانت ظلام .. و كان زي ما يكون في صوت مكتوم و حد بيتحرك حركة غريبة أوي .. قوام جدي ولع نار و الرؤيه بدأت توضح ..
.
.
.
هو .. ايوه هو .. كان قاعد متلقح قدامي .، جدي كان مكتفه و مكممة .. أول ما شافنا بدأ يهدي شويه .. جدي قالي : '' ده الي قتل أهلك و صاحبك .. ده الي كان نفسك تقتله .. ايه رأيك في المفاجأة بقه ؟ '' ..
اسمحولي أوقف الزمن شويه عند اللحظة دي .. الراجل ده ممكن يبقي فى نظركم بطل علشان بيقتل جنسنا .. مش هلوم حد بيفكر كده .. بس الراجل ده قتل صاحبي .. حتي قتله من غير ما يكلف نفسه بس يتأكد هو ده أنا ولا لا .. قتله بطريقه زباله .. كتم نفسه .. حط نفسك مكان صلاح في اللحظة الي كان بيموت فيها .. شايف قدّامه واحد زي التور ماسك في رقبته و عمال يخنق و بينهي أحلامه الطفولية حلم حلم .. المشكلة ان صلاح مش عارف الشخص ده كان بيعمل كده ليه ..،يعني حتي مات من غير ما يعرف السبب .. زي حاجه ملهاش لازمه بنرميها .. تخيل معايا موقف أبو صلاح و أمه لما يشوفوا ابنهم وشه أزرق و مرمي علي الأرض و صوابع الكلب عزيز معلمه صباع صباع علي رقبته .. عزيز مقتلش ابن الجنايني ولا قتل ابن الغول .. عزيز قتل طفل .. أنا شفته كده .. علشان كده كان لازم يموت .. بس مين هيقتله ..
.
.
'' ايه ؟؟ هتفضل باصصله كتير كده .. لو مش عاوز تعمله حاجه اطلع هتلاقيني مستنيك بره .. هنقفل التربه عليه و هيموت لأن محدش بيجي هنا أصلاً .. '' .. بعد الكلمتين دول جدي كان طالع بره التربه .. و أنا لسه باصص لعزيز .. جدي وقف ثانيه و قالي : '' اعمل حسابك مفيش أكل قبل ٣ أيام من دلوقتي '' .. قالها و قبل ما يخرج رمي سكينه جنبي
.
.
.
ايه ده ؟؟ جدي عاوزني أكله .. اممم .. دلوقتي فهمت .. جدي استغل كرهي للراجل ده و عاوز يعودني علي اللحم البشري الى مش مفروم .. الراجل ده فكر صح .. بس ايه ده هاكله بجد ؟؟ ..

Liked by: رضوى Rola وردآية بهمزة طايرة‍ rina mohamed91927 Yara☘︎ Asmaa Saleh ꜱᴛᴀʀ★ɢɪʀʟ ayaah "آيــة مـحـمـد" آيه Toqa

الفصل الثاني '' جزء ثاني '' ..

Aحmad

February 18, 2017

أخيراً جدي انهي المحادثة بالكلمتين دول '' حسن خد أخواتك و الناس الي نعرفهم و ابدأوا صفوا ال ٥ الباقيين .. و بعد ما تنتقموا اهربوا و حصلوني .. أنا هاخد مَالِك و هستناكم في بيتنا الكبير الي في الجنوب .. ربنا معاكم ''
.
.
كنت مبسوط أوى لأن الي اسمه عزيز ده هيموت .. أنا عارف ان ال ٦ قتلوا أهلي .. بس أكتر واحد كنت عاوزه يموت كان عزيز .. عزيز هو الي قتل صلاح .. صلاح غلبان ملوش ذنب يموت .. كان بيقولي دائماً إن الفقير و الغلبان ملهوش ديه .. بس أنا واثق إن حقه مش هيضيع .. و عزيز الكلب هيموت ..
.
.
.
وصلنا البيت الكبير ده بعد ٣ أيام .. جدي كان عارف إن أنا جعان أوي .. فسابني و نزل يصطاد .. فضلت قاعد مع نفسي و بفكر .. مستقبلي هيبقي عامل إزاي .. يا تري عمامي هيعاملوني حلو ولا لا .. يا تري المدرس هيجي يعلمني تاني ؟؟ ..
.
.
و أنا بفكر جدي كان جه .. فتح الباب و دخل شايل طفل عنده ٧ سنين أو ٦ .. في الحدود دى يعنى .. حطه علي الترابيزه و قالي أنا خدرته تعالي كُل ..
.
.
معلومة كده علي الماشي بقه .. احنا نقدر نأكل لحم الإنسان الطازج .. يعني مينفعش نأكل جثه .. لازم يكون فيها الروح أو تكون ميته بقالها اقل من ساعه أو اتنين .. علشان كده بنعتمد علي تخدير الضحيه و أكلها ..
.
.
.
المهم بصيت لجدي .. مكنتش عارف اقول ايه .. هو سبقني بالكلام '' عارف إن أنت بتآكل مفروم .. بس سنانك كده هتفضل ضعيفه .. لازم تتعود تاكل لحم بشري بالعظام بالجلد بكل حاجه .. سنانك لو فضلت ضعيفه مش هتعرف تصطاد بعد كده .. و عارف كمان ان أنا غلطان لما اصطدت الطفل ده من هنا .. المفروض أول قاعده نشتغل بيها اننا نصطاد من مكان بعيد عن منطقتنا و معارفنا .. بس انا كان صعب عليا اصطاد من بعيد و أجي شايل الأكل قدام الناس .. فاصطدت اقرب ضحية و طلعت علي طول ..'' ..
قاطعته : '' يا جدي الإعتراض مش علي إنك اصطدت من قريب .. مش هينفع أكل طفل كده .. إزاي هاكل بني أدم زيي زيه .. ''
جدي بدأ يتكلم بجدية زيادة '' مَالِك أبوك غلط لما حاول يربيك بطريقة مختلفه شويه .. بس أنت لازم تفهم حاجه مهمه أوي .. ربنا خلقهم علشان ناكلهم '' ..
مقدرتش اسكت و قلت '' أنا مش هاكل حتي لو هموت '' ..
كان بيبصلي بتحدي .. بس نزل عينه فى الأرض .. و دخل غرفه و طلع منها في أيده هراسه .. و قطع حته من الواد و و هرسها و إدهالي .. و قالي '' أنا هراعي حالتك النفسيه دلوقتي .. بس مش هصبر كتير .. يا تبقي مننا يا تبقي .. '' و مكملش و بص العيل الصغير ..
.
.
.
أسبوع كامل عدي كان جدي بياخدني معاه نصطاد .. كان يهرس الأكل ليا في وقتها .. و أنا مش بعمل حاجه غير إني ماشي معاه و أكل اللحم المفروم الي بيهرسوا ليا .. بدأت أتعود علي شكل الدم و اللحمه الي بتتقطع في سنان جدي .. بقت المناظر دى مألوفة .. و بعد الأسبوع ده عمي حسن وصل .. كان بينهج و باين عليه الإعياء الشديد أوي .. قال لجدي '' طلعوا كانوا مستهدفين ''أحمد'' من مده و احنا كمان .. الموضوع مش مقتصر علي ال٦ بس .. دول مجموعه كبيره عمالين يدوروا علينا واحد واحد عارفينا بالاسم كمان .. لازم نسافر برا مصر .. ''
جدي رد و كان باين عليه الزعل أوى :'' قتلتوا ال ٦ الي قتلوا ابني .. ؟؟ ''
عمي بصله و قاله : '' واحد منهم بس هرب '' .. مقدرتش أمسك نفسي :'' قتلتوا عزيز ؟؟ '' .. قلتها بصوت عالي .. كانوا الاتنين بيبصولي بإستغراب .. عمي حسن قالي '' تعرفه منين ؟؟ .. ده الوحيد الي هرب '' .. رديت عليه : '' هو ده الي كان عاوز يقتلني .. و قتل ابن الجنايني .. قتل ابن الجنايني الي من جنسه و ساب ابن الغول .. لازم يموت '' ..

Liked by: رضوى Rola وردآية بهمزة طايرة‍ rina mohamed91927 Yara☘︎ ꜱᴛᴀʀ★ɢɪʀʟ آيه Toqa "Wā F āā" ... Arŋoυs"

الفصل الأول '' جزء رابع و أخير '' ..

Aحmad

February 18, 2017

و استمر الحال على كده .. أبويا كان عاوز يعمل مني راجل .. أقصد غول ملو هدومو يُعتمد عليه .. لسه فاكر أول درس أبويا علمهولى فى حياتي كغول .. '' اوعى تاكل حد من منطقتك أو صحابك أو معارفك يا '' مَالِك ''لازم حد من بعيد علشان ما تنكشفش '' .. الله يرحمك يا حج .. كانت أخر نصيحة .. أصل بعدها ب٦ شهور مات هو و أمى ..

لسه فاكر يوم موتهم لحد دلوقتي .. كنت نايم فى غرفتي .. و فجأة سمعت صوت غريب .. اتسحبت لغرفة أبويا و أمي .. لقيت ٦ رجاله واقفين و على الأرض أبويا و أمى مذبوحين .. واحد من ال ٦ يظهر إنه القائد بتاعهم .. كان بيقول '' يلا يا ''فؤاد'' كسر الدولاب و خد الفلوس و الدهب عشان تبان إنها سرقه ، و أنت يا ''عزيز'' خش اقتل ابنهم ده غول زيهم .. '' .. طبعاً من الصدمة مكنتش قادر أجرى .. بس قدرت استجمع قوتي و جريت بسرعه لدرجة إنى مكنتش عارف أحط رجلي من السرعة على السلالم .. فوقعت و طبعاً الصوت خلى الراجل الى اسمه ''عزيز'' ده ياخد باله ان فى حد بيجرى .. لقيته بيجرى عاوز يجيبني قبل ما أهرب .. طبعاً أنا قمت و كملت جري بسرعة عاوز أطلع من البيت علشان أى حد ينقذني .. بفتح الباب لقيت ''صلاح'' قدامي .. بيقولي فى ايه يا ''مَالِك'' .. ايه الدوشه دى .. زقيته و جريت بسرعه .. عقبال ما ''صلاح'' قام و لسه هيدرك الموضوع لقى ''عزيز'' ورآه ..

مش ناسي الى حصل لحد دلوقتي .. قاله '' عاوزه تهرب يا حيوان يا ابن الكلب '' و من غير ما ''صلاح'' يتكلم كان عزيز ماسكه من رقبته و بيخنقه .. المنظر كان اسوء من منظر الجثة الى كان بابا و ماما بياكلوها .. صاحب عمري بيموت قدام عيني بدالي .. و مش عارف أعمل حاجه

المسكين مات و الحمار كان فاكره أنا علشان كانت الدنيا ظلام .. ذنبه ايه ده يموت .، شفتوا البشر بيعملوا ايه فى بعض .. خفت ياخد باله مني فى الظلام مع إنى كنت بعيد عنهم بمسافة كويسه .. بصيت يميني و شمالى مالقيتش حد .. فجريت علشان أهرب برا القصر

دى كانت بداية الهروب .. كان لازم أهرب لأننا مُستهدفين .. البشر بيصطادونا زى ما بنصطادهم .. أكيد هيعرفوا إن الى مات ''صلاح'' مش أنا .. هيعرفوا انهم قتلوا ابن الجنايني مش غول .. هيعرفوا إن لسه فى واحد لازم يتقتل .. 🙁

أظن كفاية كده .. بكره نكمل ..

Liked by: rina mohamed91927 Yara☘︎ Toqa Arŋoυs" Amira. Śä Mã(القطرس ♥️) تسـنٌيّم esraaabd elhakim إيماآان..✌ Asmak☊

الفصل الأول '' جزء ثاني '' ..

Aحmad

February 18, 2017

احنا كنّا أغنياء جداً ده غير ان أبويا زى ما قلت كان من الحاشية بتاعة الملك فقشطة كانوا بيظبطونا .. طبعاً أبويا كان بيختلط بالبشر دايماً بس سبحان الله محدش كان يقدر يفرقه أو يعرف إنه مش إنسان ..
كنّا عايشين فى قصر كبير فى منطقة اسمها دلوقتي فى الأيام دى منطقة الدقي بمحافظة الجيزة .. كان الخدم كلهم بشر و ماكنوش يعرفوا اننا غيلان .. طبعاً كانوا بيقوموا بمستلزمات البيت ماعدا الطبخ .. أبويا كان بيبرر ده بأنه بيقرف يأكل من أيد حد غير مراته ..

مش بس الخدم حتى أنا مكنتش أعرف إننا غيلان .. أصل أبويا و أمى كانوا متفقين يقولولى و أنا عندى ١٢ سنه و أنا فى الوقت ده كان عندى ١٠ سنين .. طبعاً كان بيجيلي مدرس البيت يعلمني مفيش حاجه اسمها اروح مدرسة و اتعامل مع بشر .. عرفت بعد كده من مذكرات بابا و ماما إن المدرس ده كان غول هو كمان و كان مختص بتدريس أبناء الغيلان فى المناطق الى حواليه ..

أبويا كان مانعني من الإختلاط بأى حد برا البيت زى ما تقول كده كنت عايش فى سجن .. كنت بلعب مع عيال الخدم بس ..

مره عيل من العيال دى كان بياكل خياره و عزم عليا .، طبعاً كان أول مره اشوف حاجه زى كده .. أكلت حته وتفتها على طول .. زى ما قلت قبل كده تخيل نفسك بتآكل رمل هو ده إحساسي لو أكلت أكلكم .. و مقولتش لماما طبعاً علشان افلت من العقاب ..

أصل الأكل كان له قواعد معينه مينفعش أخالفها و إلا أتعاقب .. و القواعد بتاعة الأكل هى إني أكل بس فى غرفة نومي .. أمي كان بتجيبلي الأكل لحد عندي .. كان عباره عن عجين عرفت بعد كده إنه لحم مفروم .. أصل ماكنش ينفع أكل قطعة من إنسان مثلاً فى غرفتي و أنزل ألعب مع العيال تاني و أشوف القطع دى قدامي .. فكان اللحم مفروم مؤقتاً لحد ما يقولولى إن أنا غول .. فكانوا لازم يفرموا اللحم ليا علشان معرفش أنا باكل ايه ..

كان فى غرفة فى البيت ممنوع حد يدخلها .. المعلومات الوحيدة عن الغرفة دى إنها بتوصل لدور تحت الأرض .. كنت أنا و صحابي '' عيال الخدم '' في السن ده نفسنا نعرف ايه الموجود تحت البيت ..

لسه فاكر كلام الواد ''صلاح'' ابن عّم محمد الجنايني '' أنا حاسس إن أبوك مخبي كنز يا ''مَالِك'' تحت البيت '' ..
طبعاً زى أى طفل الفضول كان هيموتني .. عاوز أعرف ايه الى تحت .. و فعلاً فى يوم عملت نفسي نايم و اتسحبت ورا بابا و ماما لحد ما دخلت الغرفة وراهم .. أصلهم كانوا متعودين ينزلوا كل يوم بليل فيها ..

الغرفة كانت ظلام شديد بس أبويا كان هو و أمي ماشيين و فى أيدهم شمعه و زى ما تقول حافظين طريقهم .. و أنا وراهم من غير ما يحسوا .. كنت خايف يكشفوني .. فضلنا نازلين علي سلم كان موجود جوا الغرفه دى و كان سلم طويلللللل زي ما تقول كده الدور التحتاني ده كان تحت أوى .. مش تحت الأرض بدور أو دورين يعنى ..

فجأة وصلنا الدور التحتاني .. مكنش في دهب و لا ياقوت و لا مرجان .. الواد صلاح طلع بطيخه و بيفتى و خلاص .. ده طلع مكان عادي جداً .. بس ايه ده ؟؟ .. ايه الحيطان الغريبة دى ؟؟ .. أول مره أشوفها .. شكلها غير باقى الحوائط الى فى البيت .. مكنتش أعرف ساعتها انها مصنوعة كده علشان تعزل الصوت ..