اكتر موقف مضحك مرا بيك في حياتك
انا من نوع الناس البتقعد جمب قزاز السياره وبتسرح بعيد واثناء م انا قاعده وسراحه بغض النظر اني كنت راكبه مواصلات وكانت السياره جايطه والناس بتشاكلو في موضوع رفع سعر التذكره المهم انا م جايبه ليهم خبر قاعده وخاته راسي في الشباك او القزاز وكان مقفول سرحانه بعييد رغم الجوطه فجأه يجي واحد مجنونه يلصق راسو علي القزاز ويكورك وانا فجأه القي لك الزول ملصق راسو وبقي قدامي طوالي اتهجمت شديد وبقيت اصرخ الناس الفي سياره كلهم خلو الشكله وبقو بعاينو لي وانا من شده م اتخلعت رجلي بقت في الكرسي وبقيت متكرفسه والناس كلها ساكته وبتعاين لي واختي كانت معاي ماتت من الضحك وانا بعد مسافه استوعبت الحاصل وبقينا نضحك الاتنين زي المجانين لقايت م وصلنا البيت لليوم التاني بنضحك وماف زول عارف الحاصل ولي اليوم ده كل م اتذكر الموقف ده بضحك علي شكلي انا متكرفسه في الكرسي?????????????????
Liked by:
عـبيــر
