لو حد بيحبك و جاى متقدم ليكى بس لسه بيبدا حياته يعنى مفيش شغل لسه هتوافقى ؟
مش عايزين اجابات مثاليه زياده عن اللزوم
ماشي مش هتكلم بمثاليه 😃 اولا لو هو بيحبني وانا مبحبهوش فاستحاله ارتبط بيه سواء بقي هو وزير او غفير ..لاني فعلا مبعرفش اتعامل مع حد مبطقهوش او مبحبهوش فمالكوا بقي حد المفروض هاكمل معاه بقيت حياتي ثانيا لو افترضنا ان انا كمان بحبه وبدون بجد مثاليه مش هانكر ان اي بنت تحب انها ترتبط بشخص حالته الماديه كويسه وانها تعيش ع الاقل نفس المستوي الاجتماعي بتاعها بس فعلا لو شايفه انه راجل معايا بمعني الكلمة شخص هابقي متاكده ان انا الوحيده اللي هابقي ف حياته شخص كويس شخص هايضحي عشاني وهيراعي ربنا فيا وطموح انه يوصل لمستوي افضل ف حياته وشغله ف ليه مضحيش شويه واصبر ..ف ناس كتيير بدات من الصفر ووصلت للي هي عاوزاه ف الاخر ... عاوزة اقول حاجه اخيرة بجد لما اقعد افكر مع نفسي بقول اننا مش هانعيش كتيير اووي عشان نفضل نحصر تفكيرنا ف حاجات تفضل تعجزنا وتضيع علينا فرحتنا بكام سنة اللي هنعيشهم ..مش بس ف جواز للاسف بقيت كل حاجه ف حياتنا ممكن حاجه صغيرة ملهاش قيمه هي اللي تعكنن علينا ف فرحتنا احنا بجد محتاجين نستمتع بحياتنا و بالسنين اللي بتضيع مننا هدر معلش بقي طولت بس كنت محتاجه اتكلم 😂😂