البااقى ...:3
من يوم ما بعدتى و انا إتغيرت
مبقتش أضحك زى العاده
ربنا بيغير لو شاف واحد ..
متعلق بحبيبته زياده
فياخدهم من بعض لنفسه
علشان يهديها و يهديه
و إن رجعوا لربنا يتلاقوا
حكمة ربنا بقى هنقول إيه
انا تايه و انتى كمان تايهه
وظروفنا دى بتكتف إيدنا
ربنا كان ليه قدره عجيبه
انه يجمّعنا ويبعدنا
فيسيبنى أشتاق بعد ما سبتك
و أسيبك برضه فـ تشتاقى
يمكن ربنا بيعلمنا ..
اننا بنزول وانه الباقى
يمكن بيقوّم أخلاقك ..
يمكن بيقوم أخلاقى
أو شايل حاجه فـ علم الغيب
أو شايل منى عشان قصرّت
لسه الباقى جاى;)
معلق روحه عـ الشماعه جنب الباب .. وسايب باب ماضيه المُر متوارب كعبه اللى دار فـ الدنيا لف وداب .. ساب للحياه الحبل عـ الغارب ! ساند ع حيطة أمل مايله ماسك فـ إيدى من زمان كلمة " ياريت" معجون بميه صبها العفاريت ...مجنون انا عايش بلا ليلي عقرب ف ساعة حيطة لدغ الوقت .....لاعرفت انا امتي وفين وازاي انا اتعلقت ......بس المهم الحبل كان دايب بلعب ف دور الكل فيه عواجيز... الدنيا كازينو كبير ملوش عزيز... كوتشينه كل وراقها كان شايب !!#حيطة_امل