كلنا بنحتاج السندة اللي تداري ضعفنا وتشدنا قبل الوقعة ، ف احنا أسباب ربنا حطها في حياة بعض ، خليك سبب في اطمئنان الناس وتشجيعهم ، متبقاش قاعد مستني غلطة للي قدامك بإظهار ضعفه وإحتياجه ليك ؛ أحمد خالد توفيق كان بيقول كطفل هرول إلي أُمه باكيًا فقابلته بصفعة لكي يكف عن البُكاء كذلك الخذلان .
متحاولش تغير من حد عشان يشبهك ولا تغير من نفسك عشان تشبه حد احنا اتخلقنا مختلفين عشان نكمل بعض مش عشان نبقا نسخه من بعض ، خليك مختلف بدون تصنع وبدون ما تزيف نفسك .
من لُطفِ اللهِ عليّ أنهُ إن أغلق في وجهِي طريقًا كُنت أرجو أن أنالهُ من كُل قلبي عوضَنّي في طُرقٍ أخرى وفتح ليَّ أبوابًا كثيرة عوضًا عن ما كُنت أرجوه ، وهُنا أدركُ أن الله فقط من يراضي قَلبي ويعوضنِي بشتى الطُرق عن كُلِّ شيء كُنتُ أظنهُ من جهلي هو الخيرُ ليّ ، وأنَّ اللهُ دائمًا أحنُّ على قلبِي منِّي ومن كُل البشر .
أنا مش كامله لكن صادقه ودي أكتر حاجة بحبها في نفسي ، أه أنا مش مثاليه بنسبة 100% لكن ما بقدمش حاجة مُزيفة ، كلامي صادق ، مشاعري صادقة ، كُل حاجة بقدمهالك حتى ولو كانت بسيطة فهي من أعماق قلبي ، يعني مُستحيل أقول لك بحبك إلا إذا كُنت بحبك حقيقي ، ومُستحيل أقعد معاك إلا لو أنا مرتاحالك وحابه وجودك ، أنا واضحه ومُقتنعه إن محدش مُجبر على حد عشان كده ثِق في أي حاجة بعملها عشانك لإنّي مبتعبش نفسي إلا للغاليين على قلبي .🤍
أعظم حاجة في الدنيا دي إنك تفضل مبسوط مهما حصل ، عيش بمرونة عشان تعرف تعيش مش كل حاجة تستاهل الزعل أو تديها من طاقتك وخليك فاكر إن أحيانًا ربنا يكتب ليك حاجات مش عاوزها بس هو عارف إنها أحسن ليك .
على قد ما تقدر طمّن اللي حواليك باللي تقدر عليه مش هتغلب ممكن تكون أنت بردو شايفها ضلمة، ومش باين لها ملامح بس شوية طمأنينة بكلمتين خُفاف يخرجوا منك مش هيكلفوك حاجة لكن هيفرقوا مع اللي يهمك ، وهيسهلوا عليه مرارة الأيام ، وإنبساطه هيبسطك نشر الطمأنينة في وقت القلق نهج الأنبياء .