لو سلكت طرقٌ أخرى لما كنت كما انا الان لما نضج عقلي وكبر قلبي وقوت روحي لذلك سأسلك طريقي نفسه مرة ثانية💙 ما يحزُنك بما فعلته وكرهك له سيكون دافعك وتغيرك مهما حاولت ان تناديه بالندم💙 #ZM
صباح الخير لكل شخص اعرفه او لا الحياة حلوة انت تحدد شلون تكملها وشنو فكرتك الها افكارك معتقداتك قلبك نيتك كلها تحددلك طريق تمشي عليه فأحسنوا التفكر والاختيار ماكو مستحيل ابد لان العقل البشري مميز يتحدى كل صعب واما الصعب فهو اسم فقط انت ايضا تحدده ابتسموا تفائلوا من غير سبب كونوا سعداء حتى لو بكلمة او عمل خير او مساعدة طفل او كبير سن وغيره لان الحياة تعطيكم الي انتو تعكسوه وتعطوه الها ولا تنعتون حظكم باي شيء لان الحظ شبيهكم كل شخص منكم اله قدره وموهبه وصفة تميزه ذكر او انثى لا تقللون من نفسكم كونوا ايجابين دائما حتى لو الموت قريب منكم بِسمُك شعره كلشي اله وقته المناسب لا تيأسون ثقوا بالله اهم حاجة لان يعطيكم الافضل والي تتمنوه بهالثقه وبعدها ثقة بانفسكم ودائما حتكونون للامام حدثوا انفسكم دائما وجهوها دائما حفزوا نفسكم بنفسكم الحياة قصيرة مهما كانت بذهنكم طويلة فاستغلوا الفرص الي تستحق وجودكم كونوا على طبيعتكم تصبحون اجمل وازنوا نفسكم بكلشي كونوا عظيمين بافكاركم ولا تقللون من الشهادة ابد مهما كان الحال او الظرف لانها بوقت مناسب حتفيدك هي سلاحك بطريقة ما انت تجهلها وفرحوا اي شخص بضحكه كلمه هدية بسيطة تخلي الحياة اجمل هالامور تغيركم من الداخل لان الروح عباره عن عدة مشاعر عكس الجسد مادي ملموس ومهما كانت جنسيتك لونك عشيرتك قبيلتك اي شيء كنت فقط بالاعمال والنيات يكون واحد احسن من الثاني ودائما حمدوا ربكم بالخير والبلاء كونوا شكورين سبحوا باسمه اذكروا يذكركم اضعاف وهالشي بيه راحة نفسيه روحية الكم💙💙💙 حبيت افصح عن شيء بسيط تعلمته بحياتي رغم صغر سني حمدالله وتكلمت عنه عسى ينفعكم . هذا اخر يوم الي بالاسك سعيده بكل شخص صادفته عرفته تكلمت معاه ذكر او انثى وجدا احب هالبرنامج لان خلاني اكتب بحريه وحب وعُمق وعرفني على ناس حلوة من داخل وخارج ومن كل قلبي اتمنالكم حياة جميله بكل صبر وتحمل وللامام مهما كنتم او اخذتو خطوة للخلف وكلشي اله نهايته فأبتهجوا دوما🤪👻😄 #صديقتكم_زينب💙🎼