تعمل اية لو حد بتحبه تعبان نفسيا او عنده مشكلة و انت مش قادر تحلها ؟ ازاى هتواسيه او تطمنه !
وجودك جنبه ده لوحده احسن علاج له
طب و اللى محدش بيسأل عليه يعمل اية لما يحتاج حد جنبه ؟
مفيش حاجة اسمها محدش بيسال عليا ابدا ! احنا بس بنبقي محتاجين حد معين يسأل و الحد ده لو مسألش يبقي ملوش لزمة اي سؤال من اي حد تاني، حاول تركز مع الناس اللي بتسأل او بتحاول تقرب منك وانت مش شايفهم اصلا
شكلك عايز تنتقم منى عشان رخمت عليك فى الاسئلة ????
هههههههه لا ابدا مش كده خالص
انا مبسوطة من اجاباتك دى جدا و لو فعلا انت بجد كدة ف الواقع مش عشان نت و كدة يبقى انت حد جميل جدا و نادر فعلا (مش معاكسة دى دة مجرد رأى بس :D ) و استمر ف انك تكون احسن و اثبت ع الحاجات الحلوة اللى فيك بس كدة شكرا ?
ملحوظة: انا مكلمتكش عشان انا بردو مش بحب حوار النت دة مش واقعى
عاوز اركز اكتر من كده في حياتي و احاول اعمل اي انجاز حتي لو كان بسيط علشان يشجعني اكمل حياتي صح
اوك بس مبدئيا الولد هو اللى لازم يبقى عنده الشجاعة دى عاما خصوصا لو داخل ع ال 25 و لا اية ؟ كل سنة و انت طيب يعنى :D
هي مش سباق ولا اثبات ذات انا ليا تعاملي عالنت عامة ، انا لو في الحقيقة بتكلم عادي لكن شغل النت مبحبوش هي دي الفكرة :D و انت/ي طيب/ة :D
تمام يعنى لو كلمتك دلوقتى مش هتقول عليا بنت مدلوقة مثلا ؟ بما انك متعرفنيش و لا اعرفك !
مدلوقة ؟ هو انا بحترم الحركة دي لو عملتها بنت لأني بصراحه معنديش الشجاعه الكافية اني اتكلم مع بنت معرفهاش عشان نفس السبب نظرا للأفكار بتاعت مجتمعنا الشامخ و كل اللي عرفتهم هما اللي كلموني غالبا يعني وبعدين مدام قولتي كده قبل ماتتكلمي يبقي تمام اكيد مش هفهم كده يعني
كلام كبير دة انت بجد مؤمن بالكلام دة ؟
اللي ميعرفنيش و يقرأ كلامي غالبا هيفتكر انه مجرد كلام بس اللي يعرفني كويس هيعرف اني مش بكتب حاجة مش مؤمن بيها، انا مش بدور علي اني ابقي معروف و الشغل الرخيص ده لو كنت عاوز اعمله كنت عملته من زمان، انا حد عنده شوية حاجات مؤمن بيها و ماشي بيها في حياته بس كده
امتى تقول على بنت انها مش كويسة ؟
مش من حقي اني احكم عليها و اقول انها مش كويسة ، الحكم عالغير دي بعتبرها حاجة قذرة خصوصا لما يبقي حكم مش كويس زي ان البنت دي مثلا مش كويسة او الولد ده اخلاقه زبالة ، الافضل انك تخلي رأيك لنفسك ، لو البنت مش عاجباك متتعاملش معاها لكن انك تقرب لسمعتها حتي لو هي فعلا كده دي جريمة في حق نفسك
مفيش مواصفات ! انا بس محتاجها تكون معايا مهما كانت الصعوبات اللى هنقابلها، تكون مؤمنة باللي مؤمن بيه في حياتي او عالاقل تكون محترمة طريقة تفكيري و احلامي بس كده