انا ولد عندى 18 سنة و داخل 3ث كل مشكلتى ان انا بحب بنت اكبر منى عمراً بسنة واحدة و دراسياً ب سنتين و لما اعترفتلها ب حبى ليها اخدت الموضوع هزار و خلاص و بعد فترة اكتشفت ان هى بتكلم ولاد كتير ف الجامعة كل اللى طالبة طريقة انساها بيها لان بقالى اكتر من سنة الموضوع مأثر عليا و مش بفكر غير فيه
بص يا صديقي مافيش وصفه للنسيان ممكن حد يقولك عليها ، مافيش تحويجه ولا مقادير تخلطها تنسيك ، لكن في حاجه اسمها عقل وادراك ميزنا بيه ربنا عن سائر المخلوقات ، تقدر تقولي عرفتها ازاي؟واتكلمتوا ازاي؟ وهي ف نظرك ايه؟ طب تقدر تقولي انك قادر تتجوزها فى خلال أد ايه؟ قادر تفتح بيت ولا الموضوع عبارة عن فراغ عاطفى وانك سلمت قلبك لاول حد اهتم بيك!
ربنا خلقك راجل يعني عقل قبل قلب ، فلازم تحسبها مع نفسك انت قادر تشيل الليله ولا لأ؟ لأ يبقا انت غلطان ف العنوان لإن خطوة زى دى فى حوار زى دا بتفاصيله دى لازم تكون كل خطواته محسوبة
نصيحتى ليك شوف اللي انكسر جواك غيره واللي قدم رممه ، اهتم بنفسك وبحياتك وفكر انك تبقى انسان ناجح واقف على ارض صلبه وصدقنى هتوصل لمرحلة انك مش هتفكر فيها وفى يوم من الايام هتوصل لمرحلة من النضج انك تضحك على مشاعرك دى ..
ربنا يجبر خاطرك يا صاحبى :")
ربنا خلقك راجل يعني عقل قبل قلب ، فلازم تحسبها مع نفسك انت قادر تشيل الليله ولا لأ؟ لأ يبقا انت غلطان ف العنوان لإن خطوة زى دى فى حوار زى دا بتفاصيله دى لازم تكون كل خطواته محسوبة
نصيحتى ليك شوف اللي انكسر جواك غيره واللي قدم رممه ، اهتم بنفسك وبحياتك وفكر انك تبقى انسان ناجح واقف على ارض صلبه وصدقنى هتوصل لمرحلة انك مش هتفكر فيها وفى يوم من الايام هتوصل لمرحلة من النضج انك تضحك على مشاعرك دى ..
ربنا يجبر خاطرك يا صاحبى :")
