هو كورس CMA
ف الحساب العلمي بشاهده معتمده و بيبقي كويس ولا برا احسن !
بدام حاجة جوة الجامعة هيبقي سهل توثيقها من الخارجية. لكن مش ضامن جودة الكورس نفسه جوة. لكن برة الجودة حلوة لكن مظنش أنه سهل توثيقها. يفضل انك تاخدها في القاهرة لو امكن
اكيد كلنا عاوزين نكون محبوبين بس مش علي حساب غضب ربنا يعني. وطبعا صعب ارضاء كل الناس. فبدام انا ماشي صح مش لازم اهتم برضا الناس اوي. مخلوق عشان ارضي الخالق مش المخلوق.
ماشي شكرا يا دكتور على الادفيسيز❤❤
بالتوفيق
الشؤون إذا كان بنروح نخلص حاجه بيبقوا عاوزين يضربونا اومال كمان لو سالنا😂😂
افرض لو قالولك هتاخد فلوس. ساعتها كلامي يكون غلط وتدعي عليا. لا يا عم اسال واتاكد الاول قبل ماتاخد اي خطوة هههههههه
انا بقول بلاشه برضوا😂😂
الله اعلم متعتمدش علي كلامي برضه اتاكد من الشئون احسن
انا فرقه تانيه انجليزي 😊
كنت عاوز اسال يادكتور هل التدريب اللي عاوز انزله في البنك ده هيجيلي منه فايده غير الخبره طبعا...قصدي فلوس يعني علشان انا بشتغل في الصيف وكده يعني فلو مش هيجي من وراه منفعه يبقي بلااشه خالص
وحياة عيالك مش عارف اذا كنتوا هتاخدوا فلوس ولا لا. بس تقريبا ده تدريب مش اكتر مظنش هيديكوا حاجة. انتا في مصر يا حبيبي. بس برضه كلامي مش اكيد
دكتور احمد هو فعلا نتيجه الميدترم بتاع الاداره بتاع سنه اولى اتلغت !!؟
😨😨😱😱😱. اتلغت ليه؟ مين بيقول كده؟
ايه شغلانه دي! معلش بقى
تسلم. محاضرات لحد ٧ بليل 😭😭
هو في تاهيلي ده بتزاكروا بقي وتحضروا محاضرات وكده ؟
اها 😭😭😭
هو عندنا التقدير تراكمي صح؟ ولا ف رابعة بس؟
تراكمي بالأربع سنين
أنا جايب 70 في المية في سنة أولى وجايب 15 من 25 ف الميد تيرم ف سنة تانية لسة فيه أمل ابقي معيد ولا افقد الأمل خلاص 💔😔
لسا فيه امل متقلقش. انا كنت في اولي جايب ٧٨
عشان معادش في وقت وانا مش مذاكر حلو واللي مذاكره مش فاكره والموضوع بايظ معايا .. لو شيلت اقتصاد الترم دا ممكن انجح الترم التاني ؟
ماشاء الله. عديت ليفل الوحش في البؤس. استهدي بالله كده وصلي علي النبي ومش عاوزك تفكر في الامتحان نهائي. وروح امتحان وحل اي حاجة علي حسب منتا فاهم. منتاش عارف الخير فين وربنا يكرمك والامتحان يبقا كويس. مش شرط انك شلت مادة الترم الاول تعدي فيها الترم التاني. كل ترم منفصل عن التاني فلو شلت مادة هتفضل شايلها فبلاش تفكير سلبي
طب لو واحد شال مادة في الترم الاول بيعرف يعوض فيها في الترم التاني في اولي مثلا .. لو شيلت اقتصاد الترم الاول ، ممكن اعوضها الترم التاني ولا ايه ؟