عمرو 16 تعرفت عليه من شي سنة ونص عالفيس كان بمصر صار بالسعودية كان بجدة صار بعرعر :p بحب الاغاني و الضحك و بسب كتير كل مابدو يسجل بالمدرسة بيطلع متأخر عن التسجيل حظو ب*ري :3
بتتذكر يا صاحبي؟ كيف كان يبدا يومنا جبنة بيضا و كاسة الشاي .. هاد كان فطورنا إنزل عالشارع بكيير و قابل صحابي .. نلملم مصاري مشان نشتري شي طابة نقسم فريقين .. و نلعب مع ولاد الحارة شي واحد أحول فينا يشوط الطابة عبيت الجارة يا جارة زتيلنا ياها .. بقلوب صغيرة محروقة تزتلنا الطابة عالشارع .. نلاقيها مشقوقة بتتذكر شوارع حمص ؟ حاراتا و دخلاتا؟ بتتذكر هواها و ريحتا و برودة نسماتا بتتذكر وقت الغدا؟ مالنا غير كريش نروح نوقف بالزحمة .. نطلب سندويشة شيش بتتذكر يا أنس؟ لما نتمشى بالغوطة؟ يكون فايز الكرامة .. و نسمع هالزلغوطة بتتذكر وقت العصر .. كان وقت الصياعة كنا نركض لحتى نلحق و ندحش حالنا بخناقة بتتذكر لما نتمشى .. بشارع الحمرا نمل من التمشاي نروح نقعد على البحرة لك والله يا ناس .. هي كانت حياتنا بقلم فقير و ورق صغير كتبنا ذكرياتنا والله ما كان ناقصنا إلا شوية كرامة والله ما كان ناقصنا إلا شوية حرية والله انتفضنا مشان ما يرمونا بالملامة و لما انتفضنا قتلونا قصفونا بمدفعيةقصة كل حمصي بإختصار