والله ماعندي علم ادارة الاعمال! .. كلن يدرسها ! وهي مفيده اذا كنت بتفتح مشروعك الخاص واتوقع حتى الاقتصاد! اما التربويات الباقية تفيدك كتطوير والتدريب اظن وعموماً.. فيه كلمة يقولها لي ابوي اول وانا بالجامعة لين قلت سالفة (تخصص ماله مستقبل) يقول المستقبل بيد الله موب بيد التخصص.. فكنت ارد واتفلسف انه السوق يطلب ومدري وش.. لكن مافهمت الا يوم تخرجت وتوظفت وشفت الناس الي ماتوظفت وكذا.. مشكلتنا صرنا ننسى ان حياتنا كلها بيد الله ياتعسّر يا تيسر، فالي نسويه كله ماتفرق الا بقصة الاخلاص. اخر شي.. اعرف واحد تخرج من تخصص كان اول دفع تدخل فيه ويقولون بيصير سوق يمكن 30 الف وظيفة، يحمد ربه انه قبلوه معيد اما اخوياه محداستفاد من تخصصه! وللمعلومية.. ماتوظفت بتخصصي وهو ماله سوق ولله الحمد الدعوه توافيق