واحد من اﻻثنين !! يا يهرب الضي بالعشرين ساعه .... ياما مافيش ضي بكل !! يهرب بالعشرين خيرر ^^ . المرتبات ماينزلوش بكل .... واﻻ ينزلو في كل 3 شهور شهر !! ينزلو كل 3 شهور شهر خير !! . ياتعيد باﻻسبانى .... واﻻ ماتعيدش بكل !! نعيد باﻻسباني خيير ^^ . يا اطعم ولدك في تونس .... واﻻ بلاش من التطعيمة وتحمل مايجيه !! نطعمه في تونس خير ^^ . ياتفرج عالعار وقول باهى .... واﻻ تكلم وكولها في روحك !! نتفرج ونقول باهى خير ^^ . يا اقتنع انه كل من يموت في هالحرب شهيد .... واﻻ ضم فمك واسكت !! نضم فمي خير ^^ . لما بمشطونى ياننزل ونعطيهم السيارة ..... واﻻ نقاوم ويرزوني في عمري !! ننزل ونعطيهالهم خير ^^ . يانسكر دكاني بكري ونروح .... يا نعطل ونستناهم يجو يمشطونى ويسكرو معاى الحساب !! نسكر بكري ونروح خير ^^ . يا ينجح الحوار ويتفاهمو ويخنبونا مع بعضهم ..... واﻻ يحاربو بعضهم ونموتو حنى بيناتهم !! يتفاهمو ويخنبو مع بعضهم خير ^^ العبرة في الموضوع ﻻ الخير في أم الخير وﻻ الخير في صغارها !! دير روحك أحول خير !! .#كـــــــــش_مــــلك