لما جيت أسأل نفسي إيه هي الحاجة اللي تستاهل إن الواحد يحارب عشانها؟ فالإجابة كانت (راحة البال) وفعلًا راحة البال هي الحاجة الوحيدة اللي المفروض كُلنا نحارب عشان نوصل لها، لإن من غير شُعور راحة البال مُستحيل تستمتع بأي حاجة في حياتك، لا فلوس ولا شُغل ولا نجاح ولا أي حاجة طول ما بالك مش رايق.فحرفيًا الراحة هي أكتر حاجة إنت مُفتقدها في حياتك ووجودها هيفرق معاك كتير جدًا.
من القرارات الجميلة اللى هتفيدك جداً انك تقرر التعايُش مع أي وضع ومع كلِّ أمور حياتك حتى لو كانت الأمور تسير عكس ماتتمنى.لإن أمر الله نافذ سواء صبرت أو اعترضت سيدنا عمر قال: نفرُّ من قدر الله إلى قدر الله..فاللَّهُمَّ لك الحمد على كلِّ شيء الحمد لله قولًا وفعلًا وشكرًا ورضا.
لما تكتشف أن حد بيخبي عليك أخباره متضايقش منه.. بس اعرف حدودك معاه لما تلاقي حد بيوقعك من خروجات معينة.. متضايقش منه.. بس اعرف حدودك معاه لما تلاقي حد بيختار يشتكيلك دايماً بس مايقلكش الحلو.. متضايقش منه.. بس اعرف حدودك معاه لما تلاقي حد بيخاف على اصحابه الجداد منك.. متضايقش منه.. بس اعرف حدودك معاه حسبة العلاقات الإنسانية سهلة.. أفعال الناس تساوي حدودهم معاك وسلامك النفسي
بتتعاش مرّة واحدة، دوّر على راحتك.أجمل حاجة ممكن تقدمها لنفسك إنك تعمل بالنصيحة البسيطة دي، إنك تشوف راحتك فين ومع مين وفي إيه وتعمله، وتبعد عن أي حاجة هتستنفذ طاقتك على الفاضي!فالمكان اللي ترتاح فيه خليك فيه، والناس اللي ترتاح بينهم خليك معاهم، مش مهم تكون فين ولا مع مين، ومش مشكلة خالص لو بقيت لوحدك، المهم إنك تبقى مرتاح، وراضي عن نفسك وعن تصرّفاتك واختياراتك. سلامك النفسي وراحة بالك أهم من أي حاجة ومن أي حد!دوّر على راحتك.
تعبك عمره ما هيروح علي الفاضي ، حتى ولو ربنا مأكرمكش في السكة اللي انت سعيت فيها ، هيرزقك من ناحية تانية خالص وبكل بساطة ، المهم ماتقلقش ولا تندم علي مجهود عملته ، ولازم تكون واثق إن ربنا مابيضيعش تعب حد..