في وقت بكون بس محتاج حد يطمني؛ مش بكون محتاج أكتر من جملة تديني امل، دعم ولو بسيط، من حد يقولي أنه جنبي، أنه مستنيني لو اتأخرت، ان انا مش فاشل زي مابقول، حد هسنده مرة واحتاج يسندني مرة فا القيه بيسندني، يحتوي لغبطة روحي، وتوهاني، في وقت ما بكون محتاج حد يطمني؛ بس يطمني.
هتفضل أجمل اللحظات فى نظري لما الدُنيا تخطفك لحاجات حلوة ماكُنتش شايفها ولا عُمرك تخيلتها وتفهم وتؤمن إن ربنا دايمًا بيعمل اللي فيه الخير.. لطفه يجري وعبده لا يدري.
بقالي فترة بيدور في دماغي سؤال محيرني ، ليه بعد كل التنازلات اللي بتقدمها بيبعدوا عنك ، ليه رغم الإكتفاء باللي قدامك وإنك محسسه إن مفيش زيه في الدنيا بيمشى ويسيبك ، ليه محدش بيقدر قيمتك في وجودك ووقت ماتبعد يرجعوا ندمانين علي الل عملوه !
هو انت مش متاخر ، وإياك تكون فاكر كان المفروض يحصل شىء ومحصلش ، مفيش حاجه مكتوبة ليك فاتتك ، مفيش حاجة اسمها لو كنت عملت كذا كنت وصلت او كان زماني معايا كذا ، مفيش حد كان المفروض يكون ف حياتك وخرج غلط ، ومفيش حد مكتوب ليك وهيمشي مستحيل مستحيل مستحيل حتي لو اتعدمت الأسباب ، لازم تفكر ف كل حاجة حصلت ف حياتك هتلاقي هو دة الصح وأنها مكنتش خير ليك سواء شخص او شغل او مكان ، بطل فرهدة ف نفسك ولومها الدائم ، واهدي خالص ، ربنا بيقول " إنا كل شىء خلقناه بقدر " كل حاجةً محسوبة بالملي ، ربنا القوي وبرده لطيف بيك وخبير بكل امورك ، كل ال مكتوب ليك مش هيفوتك ، انت عمرك ما كنت مع حالك ابدا ربنا احن عليك من نفسك وجبنك وهو مدبر امرك اللي كله خير ، لسه برده عايز تنام زعلان !؟ 😌 , هتتعدل 🌸
تخيل يكون فِ حد فِ حياتك معاك خطوة بخطوة، عارف أنك صحيت، فطرت، نزلت شُغلك أو كُليتك، مبسوط، زعلان، مِرتاح، بتحكي لُه مشاعرك بكُل حُرية وراحة، حاسس أنكوا سوا دايمًا حتى لو مِش مع بعض فِ نفس المكان، حد يكون حافظك وفاهمك وبيعذرك فِ أي حاجة، عارف أمتى يطبطب وأمتى ينصح ويعنف، شخص يكون أنتَ .
لو حكتلك سر عني ورميته ف وسط الهزار مش هتقمص منك وممكن اضحك معاك عادي وحتي لو جيت اعتذرتلي هقولك ولا يهمك يا معلم بس من جوايا أنا عرفت انك غير مؤهل انك تتحط ف مكانه الشخص اللي احكيله أسراري ف مش هحكيلك حاجه تاني .. و علي نفس المنوال بتمشي كل حاجه ف علاقاتي مع الناس .. ردود افعالي عمرها ما كانت طفوليه واني اتقمص وازعل منك والهبل ده ، ردود افعالي بتبقي إقصائية من الدرجه الاولى .. حطيتك ف مكانه وطلعت اصغر منها ؟ ايه المشكله يا برنس ارجعك لحجمك الطبيعي من غير عتاب ومبررات فارغه ووجع دماغ.