بعترف إني شخص بيخاف جداً لما بدخُل أي relationship حتي لو صُحاب بييجي عليَّا أوقات بشُك فعلاً فـ المكانة إللي الشخص ده شايفني فيها يعني حتي لو بيحبني أنا أوقات مَبصدقش، حتي لو هو بيحاول يجيبلي نجمة من السما، عشان كده أنا بعترف إني شخص بيحتاج يطمّن دايماً إنُّه مُش تقيل علي قلبك
”اللهم أستودعك نفسي من ذُل الحياة ومن ضجيج التفكير،عوضني عن كل شيء أحببته فخسرته، طابت له نفسي فذهب، صدقته فكذب، استأمّنته فغدر ، اللهٌم لا تشغلني ولا تعلقني بشيء لم تكتبه لي وقدّر لي كل فرح لم أتوقعه، اللهم و إن ضلت نفسي طريقها فردها إليك ردا جميلًا.”❤
فكرة إنْ شخص كان قُريب مبقاش موجود وبتتعود علي إختفائه المُفاجىء هى أصعب حاجة فِعلًا على الواحد، ويمكن ساعات يظهر إنه عادى لكن لأ مش عادي وعُمره ما كان عادي بس إحنا إختارنا الواقع وإتفرض علينا ووافقنا عليه ومكملين للآسف.
أنا بحب اللي بيعرفوا يعتذروا، بحترم جدًا الإنسان اللي بيقدر يقف ويقول بهدوء: "أنا آسف" لما يغلط، من غير ما يحط مبررات تُفقِد الاعتذار معناه، من غير ما يحاول يداري على غلطه بعصبية وصوت عالي أو بهجوم على عليك عشان يقنعك إن أنت الغلطان، ويهرب من الاعتذار. بشوف في الاعتذار دليل شجاع وحسن تربية
اناا مبنساش جميل أي حد وقف جنبي وقت أي مِحنة عددت عليا ,مين سندني ف المواقف الوحشة قبل الحلوة و مين فضل يتفرج من بعيد و مهنش عليه يسأل , مين جبر بخاطري بكلمة أو بموقف بسيط ممكن يكون هو نفسه محسش إنه عمل حاجة بس أنا بفضل فاكرها..أنا بحب أوقات الشِدة عشان بتعرفني معادن الناس❤️
لا الغايب هيعود، ولا الكلام هيجيب بعضه و المياه ترجع لمجاريها، ولا اللي مشي وساب مكانه هيرجع ولو رجع مش هيلاقي مكانه وهيبقى زيه زي أي حد على وش الأرض.في مسافات ملهاش طريق،وفي كلام مينفعلوش عتاب،في مواقف متتنسيش مع الوقت وفي صدف عمرها ماهتتعاد...