طيب مبدئيًا الشعور دا لو مجالكيش يبقى اعرفي انك مبتحسيش فكويس انك حسيتي بكدة 🌝 ثانيًا، الخميس و الجمعة و السبت راحو؟ لسه في أحد و اثنين ى ثلاثاء و اربعاء و خميس و جمعة ..loop.. تعوضي فيهم اي تنتوفة مذاكرة فاتتك، شجعي نفسك، او خلي عندك هدف حطيه قدامك كده، اعرفي ان محدش هينفعك في حياتك دي غيرك، انتِ، و شخصيتك و شهادتك و تشجعيك :)! حطي هدف حتى لو بسيط و اسعيله، حطي كلية معينة في دماغك و قولي انا عاوزة دي، و علقيها قدامك ع الحيطة و شوفيها و انتي خارجة و داخلة، و طالما اهلك بتقولي انهم صعبانين عليكي اسعي ان مجهودك دا يكون لسعادتهم، وربنا يوفقك و ينولك اعلى المراتب ❤️
انهاردة اول صداقة تم تكوينها بسبب صورة طبيعية و انا في جامعة, مش عشان بنحضر محاضرات سوا, مش عشان بنشتغل سوا, لا , مجرد اننا وقفنا مع بعض شوية واتكلمنا و اخدنا ارقام بعض, واحنا بنقول بحماس طفولي شديد *YES ! Finally a friend* طبعًا بالنسبة للاشخاص العاديين هيقولوا ايه يعني ؟ هقول ان انا مكونتش صداقة واحدة واقعية احس انها صداقة من اول يوم من ساعة لما كنت في 3 ثانوي غير انهاردة! شعور جميل جدًا جدًا يعني 🌸 رسالة اليوم : إعتنوا بأصدقائكم جدًا, عبرولهم عن امتنانكم لوجودهم, لأن لما تفقدوهم و تكونوا لوحدكم هتكون أسوء مرحلة من الاكتئاب و الحزن و العزلة و الوحدة :)! ربنا يرزق الجميع الصحبة الجميلة الصالحة يارب 🌸