انا إمبارح قلت حد فاضي اللي بعت السؤال ، و ما زلت نفس الرأي بس هجاوبك. هو التعدد حلال، و مينفعش طبعًا نعترض علىٰ حاجة حلال، بس مين بقىٰ اللي يقدر يعدِل ١٠٠% بين اتنين أو تلاتة أو أربعة، يعني مين هيقدر يهتم بدي و دي و دي نفس الإهتمام و يحبهم نفس الحب و يحسسهم إنهم متساويين ف كلش؟ إحنا كبنات/ستات ، طبيعتنا و فطرتنا هتخلينا نغير من بعض، و مش هنتقبل إن واحدة تانية تشاركني في زوجي دا إلا لسبب مُقنع و وجيه "عدم إنجاب و ما شابه"او واحد فيه خير حابب يساعد في حل مشكلة العنوسة "error404: not found". و لما تسألوا بعد كده، يا ريت سؤال هادف:).
٤٠٤ باين 😂 قبل ما الحاجات في مصر تضرب للسما يعني ، كنا في مطعم صغير في مول و من جمال حظنا يعني جابولنا شوية حاجات احنا مطلبنهاش + اللي طلبناه ، و طلع المبلغ الجميل دا ، المضحك في الموضوع دا إني فاكرة دهشتي في اللحظة دي لإني رحت أصلي العصر قبل ما أشوف الفاتورة و لما رجعت ببص للرقم كده و بصوت مصدوم "كام!" ، حسيت لو كنت بصيت للويتر وقتها كانت نظرتي حرقتها 😂 ياله رغيت كتير ، بس كان يوم حلو بعيدًا عن كل ما حدث.
في السن اللي أنا فيه دا نعمة و الحمدلله ، و عمومًا هو نعمة للناس اللي بتقدر تملىٰ فراغها و تشغل نفسها و تطور من ذاتها ، بس هتيجي نقطة و هتحس إنك لوحدك و محتاج حد تشاركه تفاصيل يومك و ضحك و زعلك و كل حاجة بتحصل يكون ليه جزء فيها ، ساعتها الوضع يتغير.
هو لو فيه مشكلة في حياتي ، ف هي إني بشوف الحاجات العادية جميلة، و بهتم بالتفاصيل بزيادة، و لما أحب شخصية معينة أحب أنها منخبيش تفاصيلنا عن بعض، و عندي حب تملك للناس، و حاجات كتيرة سيتم ذكرها في الحلقات القادمة.