و بَعد اليـأس؟ حيط سد ؛ سواد ؛ لا هدف ؛ معالم غير واضحة لأي شيء ؛ وِحدة ؛ بؤس ؛ إكتئاب .. كلها إحتمالات ممكن يحصل واحد منها و ممكن تحصل كلها ؛ في تلك الحالة متلومش حد غير نفسك ..
أدركت تمامًا إن أحسن حاجة متاخدش موبايل/كاميرا معاك و إنت خارج ، و إن الناس اللي بتفضل تتصور في كل خروجة دول بيزهقوا بسبب تكرار وضعهم كل مرة بحيث إنهم كل همهم إنهم يتصوروا و بس و مبيحسوش بطعم المكان و لا الناس اللي معاه .. لما تخرج ، أحسن حاجة تعملها تقفل موبايلك ، أو متاخدوش معاك ، و لو ضروري أوي يعني حط شريحتك في تليفون نوكيا ضغنون كده و خلي يومك من غير قلق تصوير أو قلق سوشيال ميديا ، و تقريبًا كل خروجة هتبقى أحسن خروجة لأنك مش شايل هم حاجة غير إن تستمتع مع الناس اللي معاك 🌸 و شُكرًا 🙇
هو مش موقف أوي :) بس عارف لما تيأس و تحس معدش فيه أمل و خلاص ضلمت ف وشك ؛ و تكون بتدعي كتير جدًا و حاسس إن ربنا مش هيستجيب .. فجأة تلاقي الأمور تيسرت ! و دا ممكن يكون بسبب تقرب أو ترك معصية أو دعوة أي حد بظهر الغيب ليك .. ع العموم مريت بمواقف كتيرة قفلتني و حسستني إن اليأس هو الحل الوحيد .. بس ربنا رزقه كبير ؛ جدًا 💙!