سؤال اتنين بيحبوا بعض بس في وقت بقوا بيكابروا سنه صغيره كل واحد مستنى التانى يبدأ لو حد فيهم زهق من المكابره والعند وراح جابها للتانى بصراحه وقاله انا زهقت من المكابره وخلينا سوا ده صح وبلاش نعمل كده ده صح؟
اتكلم عن نفسك ليه بتجمع ..انت عارف مشاعر الطرف التاني اذا كان بيحبك وبيكابر 🤷♂️مش يمكن انت اللي فاهم غلط ...عامة لو بنت يبقى لازم تخليه يبدأ افضل ويجيبها بصراحة اصله اكيد مش هيتكسف يقولك مشاعره ..غير كده يبقى لف بلا هدف 🤞
لو انتا في كليه طبيه وفاضلك ترم وتتخرج وعاوز تخطب بس اهلك ظروفهم ماتسمحش ولما حاولت تشتغل لقيت ان الشغل هياثر على الدراسه والطرف التاني مستعجل وبيجيله عرسان ممكن تتصرف ازاي ؟
يعني فاضلك ترم وبتقولي الشغل هيأثر ع الدراسة ..دانت دحيح جدا ي عم ..مفيهاش تناقض هتلاقي شغل برايفت فلوسه مش كتير اه بس اهو حاجة تساعد لحد ما تتخرج وتفتح عيادتك ..الطرف التاني لازم يتفهم ظروفك ويقدرها والا يبقى مش بيحبك ...ممكن تكلم أهلها عادي وتعرفهم ظروفك بوضوح تام ..وانا بأكدلك انهم هيتفهموا ده حتى لو قراية فاتحة فتح كلام يعني ...وبعدين مكانوش دبلتين ونص مليون اللي يخلوك تفكر بالشكل ده 😂
قال رسول الله صلى الله عليه وآله وسلم: " إذا كان يومٌ حار ألقى الله تعالى سمعه وبصره إلى أهل السماء وأهل الأرض، فإذا قال العبد: لا إله إلا الله، ما أشد حر هذا اليوم، اللهم أجرني من حر جهنم، قال الله عز وجل لجهنم: إن عبدًا من عبادى استجارني منك وإني أشهدك أني قد أجرته.
صاحبنا دا بقي خايف يعمل اي خطوة ف حياته خايف يتجوز خايف يكمل اي حاجة بقي واقف بقاله سنة مش بيتحرك من مكانه .. الي مكمل فيه هو الوجع
انت شايف ان اللي حواليك خذلك ..توقعاتك كانت بمكان والواقع مختلف تماما ..بس هقولك المشكلة الحقيقية وهيا ف انك حاولت تخلي الموضوع تجربة وحاطط نتايجها ومستني تثبت لنفسك انك صح ف انك متثقش ف حد ...افتكر حاجة واحدة بس ان محدش يستحق انك تخسر كل حاجة عشانه ..فمينفعش تبكي ع حاجة انكسرت وراحت ..الحياة عمرها ما هتقف عشان انت اتخذلك ولا هما هيراعوا ده ..احنا موجودين ف الحياة عشان نجرب ونعامل الناس بمعاملتهم مش نحس ان الغلط فينا اننا اتعاملنا معاهم ..واعرف ان كل لحظة خذلان هتنتهي زي ما بدأت فاستمر ف حياتك وعيشها زي ماهي كده ..هتقع وتنخدع ف الناس اه انما مش معنى كده انك تبطل تتعامل معاهم ..الناس معادن ومش هتعرف الغالي فيهم الا لو جربت وانخدعت واتعلمت👌 واعرف ان الخذلان اللي ينفع تزعل عليه هو الخذلان من الله ...ولازم تعرف ان التفاف الناس وثقت فيهم مرتبطة بالله فاحسن علاقتك بربنا ولا تتأثر بشؤن البشر ..فلو تركوك الناس فاعلم ان الله يكفيك ❤
الجو كئيب وكل ما الانسان يصدق ان الجرح الي جواه من ناحية البشر يخف ... حد يرجع يفتحه بقوة .. صح بقوم وبكمل بس برجع اتهزم والاحساس بالوجع بيزيد بيزيد اوي ... انا تعبت