@MohamedSalama72

مُحمّد سُـلامة

Ask @MohamedSalama72

Sort by:

LatestTop

انا هروح اتقدم لبنت صالونات هى من بلد جنبى معرفش اسمها بس واحده قريبتى قالت انها تعرفها وكويسه مفروض انى اقعد معاها اتكلم ف ايه ممكن مساعده مليش اخوات بنات

اعرف اسمها قبل ما تروح أول حاجة :')
اتكلم عن نفسك وعن رؤيتك لحياتك شايفها ازاي (مستقبل شغلك، سكنك، وهكذا..)
واسألها عن كل ده لأنها طبيعي هتكون محروجة ومش هتبادر أوي بالكلام..
لا تطل النظر (فيس تو فيس) وانظر لما يرضيك منها دون ملاحظتها.
الله يوفقك

+ 2 💬 messages

read all

لو شئت أن تكون مشهدًا ماذا ستكون؟

Nour90050’s Profile Photonour2004
بحب مشهد النبي ﷺ مع سيدنا عمر وفيه أن نساء المدينة كن عند رسول الله ﷺ يسألنه ويكثرن سؤاله، فاستأذن عليه عمر -رضي الله عنه- فلما سمعن صوت عمر جرين يختبئن خوفًا منه لما عُرف عن عمر من شدته، فقعد النبي يضحك وعمر لا يفهم، ثم بشره النبي ﷺ بأنه ما سلك طريقًا إلا وسلك الشيطان طريقًا آخر.

بندعى بأيه عشان ربنا يكرمنا بجواز هادى وسكن

بنقول يا رب أمنن علينا بحياة هنية ووسع في أرزاقنا وديارانا ومعيشتنا وأخلاقنا وديننا..
Liked by: انوار حسن

People you may like

السلام عليكم ورحمة الله وبركاته. ممكن استشارة لو سمحت

وعليكم السلام ورحمة الله وبركاته
أولا: الخطوبة السابقة شيء لا يعيبه إطلاقا ولا يعيب الطرف الآخر، ولا نبني عليه عمل خصوصا إن دي أول مرة له. اسمعي منه لو هو فتح الموضوع، ودي فرصة تشوفي هيتكلم ازاي عن خطيبته السابقة؛ يحفظ الأسرار، بيتكلم عنها بسوء، هكذا..
ثانيا: وضحيله كل الكلام اللي ذكرتهولي عن عدم تقبلك للسجاير، وإن ده سبب لتخوفك، وقد يكون سبب للبعد فيما بعد.
وفي الحالتين مفيش شيء مضمون؛ إما إنه يكون فعلا واخد القرار وإنسان أصيل وميرجعش يشرب ولو فكر فاتفاقه معاكي ورفضك لها يمنعه.
وإما يرجع سواء في الخطوبة أَو بعد الجواز والحجج كتير.
الفكرة هل عنده مميزات كتير تخلينا ناخد ريسك في حاجة زي كده؟ هل ده شيء بيمثل لك أهميه لدرجة الرفض؟ كلها إجابات عندك تقدري تقرري وتشاركيه الاسئلة الإجابات.
اقعدوا مع بعض قاعدة كمان، ومن رأيي هو شخص مقبول في العموم.

+ 2 💬 messages

read all

Liked by: انوار حسن

ممتنين لإيه النهاردة ؟

ممتن لشيء أحفظه من القرآن..
كلما حفظت شيئا من القرآن كلما زادت مكانتك عند الخلق، كلما قدموك بينهم، وأشاروا إليك.. فضلا عن مكانتك عند الله سبحانه وتعالى.
صدق الرسول لما قال: إن الله يرفع بهذا القرآن أقواما ويضع به آخرين.

سيبت خطيبي علشان كان كل شوية يطلب مني اجيبله هدية أو اعزمه وكان عايزاني أنوع لبسي وألبس بناطيل وكان عايزاني احط ميكب وكان بيعرف خصوصياتنا في الشقة للجيران والله اعلم لمين تاني وكان شديد عليا في الزعل وبنتقدني كتير وهو بينتقد كل الناس لسانه نقاد دايما مش بيشكر في حد غير لو مدحه دي اسباب كفاية صح؟

صح

جماعه زميلي في شغل وقف معايا في نهايه شغل وقالي انه عايز رقم بابا عشان يتقدملي واحنا مش بنتكلم مع بعض خالص فقولت ليه أن انا هفكر خصوصا ان بابا مش من نوع الي ممكن اروح اقوله زميلي عايز يتقدملي وممكن تحصل مشكله بجد فأعمل اي من ناحية بابا وانا شيفاه شاب محترم؟

مفيهاش حاجة لو وضحتي لوالدك انه مجرد طلب منه ومكنش فيه استرسال في الكلام وقلتله هستأذنك الأول!
عامة ممكن تقولي لوالدك في واحد زميلنا في الشغل كلم بنت إن عاوز رقمك علشان يكلمك وكده فإيه رأيك ادهولها تبعتهوله؟
البنت هي إنت :') وده أسلوب تعريض لو كانت شخصية والدك مش هتتقبل حاجة زي كده.

+ 1 💬 message

read all

ايه رأيك فى الكلام اللي بيقولو الشيخ الازهري علي جمعة بإن مش المسلمين بس اللي هيدخلوا الجنه واستدل بكلامه بالايه القرآنيه " ﴿إِنَّ الَّذينَ آمَنوا وَالَّذينَ هادوا وَالنَّصارى وَالصّابِئينَ مَن آمَنَ بِاللَّهِ وَاليَومِ الآخِرِ وَعَمِلَ صالِحًا فَلَهُم أَجرُهُم عِندَ رَبِّهِم وَلا خَوفٌ عَلَيهِم

الذين آمنوا: من أمة نبينا ﷺ الذين اتبعوه منذ دعوته.
الذين هادوا والنصارى: بني إسرائيل الذين اتبعوا سيدنا موسي وعيسى في عهدهم، وكان وقتها هو دين الله الذي ارتضى وتشريعاته التي فرض.
الصائبين:قال قتادة: قوم يقرءون الزبور ويعبدون الملائكة ويصلون إلى الكعبة ويقرون بالله تعالى أخذوا من كل دين شيئا. كانوا بين الرسل ولكنهم يقرون بوجود الله.
هل كون سيدنا ابو بكر في الجنة أن كل المسلمين في الجنة؟ لا من آمن بالله والرسول في الجنة.
هل كون أحد ممن آمن بسيدنا موسى وعيسى في عهدهم فدخل الجنة أن المسيحين حاليا واليهود في الجنة؟ طبعا لا.
فالآية تخبر عن من آمن بالله وبالرسل وقت هؤلاء الرسل، ثم المسلمين المؤمنين إلى قيام الساعة.

خطيبي اللي مش بيكلمني كتير بقى مش بيكلمني مكالمات خالص ومستكفي بالواتس وبيقولي مامعهوش فلوس اشحن واتخناقنا واتفقت اكلمه أنا لكن مش بيرد عليا ويقفل عليا ولما اقوله بلاش نكمل مع بعض يتعصب وهو شايف انه بيحبني رغم قسوة قلبه عليا في التعامل مش عارفه اعمل ايه.. قلبه قاسي عليا ظهر عليا اعراض بسبب حزني

انتو فعلا مخطوبين؟

ماذا يفعل المرء إذا ظل صالحًا مدة قوامًا صوامًا ذا همة عالية، ثم زلت قدمه وفترت عزيمته فأصبح بالكاد يقوم بالفروض و تمر عليه الأيام والليالي ولا يزداد إلا عمره؟ ماذا يفعل وكيف يعود؟

يعلم أنه ما كان صالحا قواما صواما ذا همةٍ عالية إلا بإذن الله وعونه وتوفيقه، فلا يرى لنفسه فضل ولا يمنُّ على أحد من خلق الله برزق الله.
ثم إذا تيقن بذلك علم أن خزائن توفيق ربه ملأى وأبواب لا تغلق؛ فيكثر الإلحاح بطلب الزاد ونور التوفيق والسداد.
صلاة الفجر في جامعة أول الطريق وأذكاره بعد الصلوات لا ينقطع عنها مع تضرعه ودعائه في كل وقت شاء.
يسمع وعاظ روحه ومجددي الإيمان قي قلبه، يسمع لمولانا سعيد الكملي رقائقه وشروحه وتفاسيره.. يسمع لمولانا المنشاوي تراتيله للتوبة ويوسف وإبراهيم والرعد..
Liked by: انوار حسن

اول ما اتخطبت خطيبي كان بيكلمني مكالمات كتير في اليوم الواحد وبعدها بدأ تقل تدريجيا ويعتمد على رسايل وفويسات .. دلوقتي بتوصل ان نقعد 3 ايام من غير مكالمات .. وانا الموضوع ده مضايقني وكل ما اقوله اني مضايقة من الموضوع ده يقولي اني بضغط عليه وانه مش بيتصل علشان ضغط الشغل .. هو بيعمل كده حتى في اجازته

أنا مؤمن بإن كل اتنين ليهم الحق يمشّو حياتهم زي ما هم عاوزين آدام متفقين علي كده وآدام مفيش تعارض مع قيم الدين، ولكن تكون الأمور واضحة والأسباب مطروحة مفهومة.
لو حد قرر يغير طريقته فلازم يكون بمشاركة الطرف الآخر وتكون أسبابه واضحه ومنطقية وصريحة.
ده ضروري علشان منوصّلش لبعض رسايل غلط تشكك الإنسان في نفسه وتشغل تفكيره، طيب هل أنا كافية بالنسباله؟ طيب هل زهق مني؟ طيب هل أناممل بالنسبالها؟
فالحل من وجهة نظري هو المصارحة لما يجيلك البيت، توقفي التواصل نهائي من ناحيتك وتتواصلي بس لو هو تواصل ولما يجي البيت تتناقشو بكل وضوح عن سبب التغير وإن أسبابه ظهرت فجأة مع إنها مكنتش موجودة في الأول، خليه يتكلم ومتخافيش من مصارحته.
المشكلة ممكن تكون إن في فتور شوية بينكم، أو فعلا مضغوط ومش بيتواصل مع حد نهائي حتى انت، أو مش مبسوط من العلاقة، أو زعلان من أشياء عملتيها ومش عارف يعبر عن زعله.. مهم التواصل جدا بينكم وإنكم تتعودو علي كده لبعد الجواز.

View more

Liked by: انوار حسن

فى ناس يتجوز من خلال السوشيال

أعرف ناس اتخطبوا سوشيال، ومش شايف فيها مشكلة حقيقة.
شايف إن حد يقولي في بنت كويس أرشحهالك للجواز هي هي بالظبط لما أشوف حد ظاهره كويس على السوشيال. في الحالتين أنا معرفش غير معلومات بسيطة، وهمشي نفس الخطوات من السؤال عنهم ومن قعدة التعارف ما بينا ومن الخطوبة اللي بتبين كتير من بواطن الشخصية.
المشكلة الأكبر بتكون في الأهل "عاوز تتجوز واحدة من النت يلا؟" 😁 وده سهل التغلب عليه إن شاء الله.

+ 6 💬 messages

read all

اعمل ايه لما يكون عندي جدول وروتين ملتزم بيه ويحصل حاجة غير مخطط لها زي الانتقال من محل السكن مثلا أو مشكلة كبيرة وبتاخد وقت ازاي أرجع وأبقى مركز مع امكانية استمرار الحوادث دي+ إن روتيني فيه تعليم وحاجات تراكمية

خليك متأكد إن الحياة لا تثبت على حال واحدة قط، التغيرات دائما مستمرة إما قدرية وإما اختيارية وإما حتى نفسية.. الواجب عليك أن تتعامل مع هذه التغيرات مع الحفاظ علي روتينك قدر المستطاع.
بالتالي إنت بتحاول تركز في شغلك وبتكلم ده وده علشان هتنقل من سكن لسكن .. هتريح النهارده ساعة -مع إنها مكنتش في الحسبان- علشان حاسس إنك فصلت نهائيا .. هتأجل كل حاجة لبكرة علشان حصل ظرف لازم تكون متواجد وهكذا..
فالمرونة وإعطاء كل حدث قدره مهم جدا علشان تكون fit في جميع التغيرات.

المنايفه اوسخ ناس هما والبحراويه

تخيل يا أخي أن تأخذ ذنب غيبة كل من هو من أهل المنوفية أو البحيرة!
نعوذ بالله من الخذلان.
Liked by: nour2004

أنا مهندس جديد،وتم تعييني بعد رحيل المهندس السابق، وفي الفترة ما بين تعييني وبين رحيله، كلفت الشركة احد المهندسين من مجال آخر بتسيير الأعمال مؤقتا، الان هو يسلمني العمل، ويخفي عني الكثير، هو ضعيف في المجال ولكنه يعلم تفاصيل الشركة، هل أشكوه للمدير أم ماذا أفعل علمًا بأنه ضعيف تقنيا ويخطيء كثيرا.

اكتب كل اللي محتاج تعرفه في ورقة بيضا بخط حلو وبطريقة مهندمة، وروح للبشمهندس اطلب منه إنك محتاج تعرف كذا وكذا في الشغل، وطبعا حضرتك قديمنا وأكثرنا خبرة.
لو ملقتش تعاون واضح روح للمدير بنفس الورقة وقوله محتاج أعرف الحاجات دي عشان الشغل فيما بعد، عرف يجيبهالك تمام، سألك ليه مروحت للبشمهندس فلان؟ احكيله اللي حصل وسيبه هو يتصرف.
Liked by: رُفيدة.

اختيارك لشريكه حياتك من اختيار القلب ولا العقل وانهى الأصح

الاتنين مهمين ولكن في بداية الاختيار مهم يكون العقل له الغلبة.
واختيار القلب لا سابق ترتيب له، فهو راحة واستبشار وفرح بمجرد رؤيته وسماع كلماته.
وأما اختيار العقل فلا بد له من ترتيب مسبق لمعرفة ما تحب أنت وما ترضاه أنت وما لا تستطيع تحمله وما تنتظره منه.. واختبار كل ذلك فيه.
ثم إما أن تسيران في طريقان واحد، وإما أن تلتقيان في نقطة توافق، وإما أن يبحث كل واحد منكما على من يشبهه.
Liked by: nour2004

خطيبي طلع بيحبني من 3 سنين وانا ماكنتش اعرف واتقدملي ووافقت عليه واتخطبنا من شهرين .. بس حاسة كان مبالغ في تعبيره في مشاعره في الاول ولما لقيني مكسوفة حصله فتور .. كان الاول بنوصل للساعة 3 و 4 و 5 الفجر بنتكلم ودلوقتي بيقولي انه عايز ينام وبعدين بلاحظ انه اونلاين على التلوكولر مش عارفة اعمل ايه

(مش عارف ينفع نتكلم في أمور زي دي في وقت زي ده ولا لأه فيما يخص إخواننا في غزة)
وعلى العموم، التعبير عن المشاعر بالتصريح لا يصح في فترة الخطوبة - دينيا ونفسيا- وتعاملك معه يكون بصفة عدم صحته وليست لكسوفك منه.
في حالة أنه لا يجوز: فبنطلب تأجيل كل شيء لوقته والتركيز على طريقة حياة وصفات بعض أكتر، وكونه إنه على علم وعلى قدر من النضج هيتفهم ده ومش هيضغط عليكي.
في حالة كسوفك: قد يُفهم منه أنه غبر مرغوب فيه أو إنه في علاقة فردية.
هتعملي إيه؟
١. حددي أصل نيتك من الموافقة عليه هل لرغبتك فيه كرغبته فيك وقَبولك له،ولا مجرد جبر خاطر والراجل بقاله ٣ سنين؟
٢. هنحدد نهج لمدة خطوبتنا، وإننا هنركز أكتر في صفات وحياة بعض، والتفاعل في أمور مشتركة، والنقاش في تفاصيل الأحداث اللي بنمر بيها..
٣. تأجيل التصريح بالمشاعر لوقته اللي يرضاه ربنا ، واحنا في غاية الرضا عن ده. وده ميمنعش إن المشاعر بتوصل بدون تصريح -وده موجود وملاحظ- في اهتمامك وسؤالك عنه في مرضه أو بعد إرهاق شغله أو سفره وهيكون أبلغ ألف مرة من مجرد كلامات عابرة سهلة المقال سريعة الانتهاء.

View more

أنت والأيام..

Nour90050’s Profile Photonour2004
كل يوم في حال مثلها مثل القلوب..
لا بقاء، لا ضمان، لا اعتماد، ولا توكل..
نحمد الله على يوم كنا علي طاعة فيه .. ونستغفر على يوم اسأنا الأدب معه سبحانه .. نعوذ بالله من يوم يختم لنا فيه بغير السعادة .. ونسأله ألا تطول إن كان خيرًا لنا.

26 سنة كدا اتاخرت علي الجواز ؟

مفيش تأخير، أرزاق بيعطيها الله لمن شاء في الوقت الذي شاء.
خذوا بالأسباب وادعوا الله مخلصين.
الجواز جانب من جوانب الحياة، انجزوا في شغل أو تعلم أو عبادة لغاية ما يجي ومتقفوش باقي الجوانب على جانب واحد.

Next

Language: English