انا بعرف يمكن يكون كلامي سخيف
بس جد العقل بطل يتحمل
انا ميخدة فكرة عن حالي اني بشعة ما بعجب حدا
لهيك وصلت لل ٣٠ ما خطبت ولا اتزوجت
معأنه يلي بيشوفني بيكيف علي وبحكو عني قديش انا حلوة امورة
هو انا فعلا وجهي حلو شكلي لطيف
بس نصيبي هيك
يمكن لاني ما بشتغل ما بطلع ما حد بيشوفني
لا تستعجلي على نصيبك
إنتِ نفسك عكستي كلامِك وبالآخر حكيتي إنّك حلوة .. القصة مش قصة حلوه ومش حلوة الفكره إنه نصيبك ما أجى لو كنتي بكهف وما حدا بشوفك والله كاتبلك تتزوجي رح يجي اللي هو من نصيبك .. بس حلو لو فكرتي تطلعي تتشوفيلك شغل تغيري جو البيت تندمجي مع الناس ويكون عندك معارف وصاحبات تتسلي معهم .. 😊
طيب خلينا نشوفك
الله يبعتلك نصيبك اللي يسر قلبك وخاطرك
هلا في منو انو شو بتقنعي حالك ممكن يصير بس ليش نا تجربي تحسني من حالك وتغيري افكارك ولسا معك وقت
رأيي في الموضوع كالتالي:
١. ربنا اوقات بيحرمنا أشياء سبحانه لحتى يعلّمنا معنى الصبر والايمان.
٢. الايمان هو بيعني أديش إحنا مآمنين بقضاء ربنا وواثقين فيه، لإنو ماحدا بيعرف مصلحتنا قدّو سبحانه. ✨
٣. بآمن كثير بفكرة العَوَض. إنو ربنا بيخلّينا نصبر كثير لحتى يعوضنا بأشياء حلوة أكثر وخير أكثر في حال إحنا رضينا وصبرنا وآمننا بفكرة عَدل ربنا.
٤. مش كل شي بالحياة سهل، ومش كلشي بالحياة بنقدر نحصل عليه. ليش؟ لإنو هاي حياة مؤقتة ماديّة قصيرة وحتنتهي؛ اللي حيضل وحيبقى هو ما بعد هاي الحياة. وهاي الفكرة لحالها بتخلينا نتشوّق ونعمل منيح اكثر لحتى يكون نصيبنا ""الحقيقي"" حلو في النهاية. ✨
٥. ربنا بيحكي: "ولقد خلقنا الإنسانَ في أحسنِ تقويم." صدق اللهُ العظيم. 🌼
ربنا عطانا عقل ليميزنا عن غيرنا من المخلوقات، عطانا وجه فيه عيون لنشوف، وآذان لنسمع وايدين واجرين لنمشي ونتحرك ونستعملهم، وجسم كامل لحتى نقدر نكمل هالحياة بسهولة. المعنى: الشكل مجرد إشي ثانوي ما بيمنعنا إنو نعيش! بنلاحظ أديش فائدة جسمنا بحياتنا كوسيلة أوليّة وأساسية لنعيش أكتر ما نلاحظ أديش هاي الوسيلة من برا "حلوة".
٦. بآمن بفكرة إنو اذا احنا اقتنعنا بكل هاي الامور، واقتنعنا بقيمتنا كإنسان (قيمتي كإنسان بتعني أشياء كثير منها تميزي بعقلي، بتفكيري، بوعيي، بديني) فإحنا بنقدر نتخطى فكرة رأي الناس وفكرة الوسواس يللي بيضل يحكيلنا: "انا مش حلو، انا مش كافي."
٨. الفراغ قاتل، وبخلينا نفكر بأشياء غلط ومَضلّة. الحل: نشغل وقت فراغنا بأشياء بنحبها، أشياء توعينا وتكبرنا وتصلحنا لدنيانا وآخرتنا. 🌼
٧. الزواج أرزاق، وربنا أعلم منا بالرزق ووقت الرزق وحالة الرزق. 🌧️🌼View more
لاء لانو انتي ماخدة فكرة غلط عن حالك
وكيف بتشوفي حالك كيف الناس بتشوفك وبتعكسي هالشي عليهم لهيك لازم تبلشي تغيري من تفكيرك ومن نظرتك لحالك
انت بتجنني بحب الثلاثينيات
بجوز بستناكي اشي احسن تياسيش
روقي كل القصه نصيب اشغلي وقتك وبس
