بعد كل خيبة بتجربة عمل وبعد كل قصة فاشلة تمّر بيها تنشلع طبقة جهل من گلبك ، طبقة غرور ومثالية وجودهن يعوق كل خلية تشوف منها النور ، الحد ماتكدر تمد ايدك بالنهاية وتلزم جوهرك الحر . الرحلة مُتعبة بس بآخرها تمتلك معلومات اكثر وتفاصيل ادق عن حقيقة ذاتك ، ويبقى عندك استعداد للأنخراط بتجربتك الحقيقية الجنت مستعدلها كل هذه الوكت وانت متصور واصل الطريق النهاية . الأخطاء والخسائر والدموع والخديعة والخذلان بروفات ماقبل العرض الرئيسي الي من يبدي راح تتأكد ماكو شي راح هدر ولاشغلة اسمها صدفة وانت اقوى بهواي من متتصور او على حد تعبير "نيتشه" (ما لا يدمرني يجعلني اقوى ) علي بيرهوف .