ذوبان الذات في الذات لم يعد هو و انت .الجميع هو و الجميع انت ! تفضيل سعادته لم تعد تندرج تحت مسمى الايثار فيمكن بشئ من التحليل أن يصبح حبك لسعادته أنانية مقنعة. لاحظ انك انت تسعد أكثر منه وقتها و كذلك في امانه و حزنه ! انت تعيش تفاصيله أكثر منه الان .ربما تعبير روح واحدة في جسدين كانت أدق و أعمق جدااا من مقصود مطلقها .. لكنك تفهمها الان جيدا ❤️🌼
اعتقد انك بتحاول على اد ما تقدر و بكل طاقتك .. صعب التجاوز .. بس اصعب انك تتقبل الوضع دا بدون ما تعافر صدقني مسألة وقت و هتوصل .. و هتفتكر إجابة السؤال دا و تحمد ربنا بثقة و رضا و يقين .. قريب إن شاء الله 🌼💙
اتقالي انتِ وحشة من أقرب الناس ليا
ف انا ممتنة جدااا لكل اللي شافني ومقالش أي تعليق ع شكلي
"ومبحبش الناس اللي بتقولي انت حلوة جبرا لخاطري يعني"
اعتقد انك اصغر مني بكتير و هجاوبك على انك اختي الصغيرة .. اسلوبك بيقول انك زوق و متربية واعتقد على قدر من الثقافة في كمان عزة نفس و رقة ورقي في التعبير مفيش اجمل من كدا صدقيني بس كل دا فاني و احنا مخلوقين للعبادة .. ارضي ربنا و ارضي بحكمته ابهريهم بنجاحك و اخلاقك وصدقيني الشكل خصوصا للبنات بيتغير بحاجات كتييييييييير .. خليكي الاجمل بحجابك و اخلاقك و دينك وثقافتك ورقيك خليكي الاجمل بروحك و طيبتك .. خليكي الاجمل باختيارك وارادتك .. اما ملامحك فأكيد تصوير الله ليكي جميل و دا مش من اختيارك ربنا يرزقك الرضا و الثقة يا جميلة 🌸🌼
كل الاسألة بقت شاوت اوت و 120% منها بقت space .. و صلي ع النبي ! اكيد المساحات اللى بنكتب فيها اي حاجة فبالنا مريحة اكتر .. و يقينا مفيش افضل من الصلاة على خير خلق الله لكن هل دا معناه ان الناس حتى معدش عندها حاجة شاغلة بالها فعلا او سؤال يستحق ؟؟؟ ولا الموضوع تريند .. للأسف اتمنى كل اللى بيكتب space يكون مستني حكمة او موقف مؤثر مثلا وكل اللى بيذكر بالصلاة على النبي يكون مستشعر معنى ارضاء الله بأنه يكون سبب في الصلاة على حبيبه ..... اتمنى اللهم صلي وسلم وبارك على سيدنا محمد وعلى آله وصحبه وسلم تسليما كثيراً 🌸🌼