هل انت شايف ان محمد علي كان فاسد زيهم لانه كان بيتعامل معاهم وهو عارف ان ده كله من فلوس الشعب وفساد!! وممكن اصلا يكون هو غلوشه ع حاجه هتحصل
الحكم عليه مش كدا .. هو ما ادعاش المثالية و قال أنا مثالي و ثورجي و يهمني الناس .... ببساطة قال إنه مقاول مكملش تعليمه و معندوش مشكلة أنه ينفذ شغل الجيش لأن البلد كلها فاسدة و اللي هيدعي غير كدا يبقى غير واقعي راجل عادي مبيتحركش بمبادئ أخلاقية و لا بيحكم أفعاله اي وازع ديني عايز يعيش كويس و يعمل فلوس مش اكتر و دي قضيته و قضية ملايين غيره على فكره وجود الفكر دا مش مستحدث و بيزيد انتشاره مع انحسار دور الدين و الدعاه و حتى الكتاب و المؤثرين في انتشار المبادئ و القيم و دا حاصل ف العالم الإسلامي كله .. بل ع الكوكب كله اصلا اكيد هو كان ممكن يرفض .. بس شرحنا ايه قضيته زي غيره و كلامه مفهوم للكل ليه بيعمل كدا ؟؟؟ هو خلاف شخصي بيحاول ياخد حقه فيه معنويا لانه عارف ان حقه مش راجع .. فعايز يقول كل اللي فباله بحرية و يشتم اللوائات اللي كانوا قادرين عليه بصراحة و حرية و ع الملأ .. و يفضحهم قدام الكل فجأه الاهتمام بيه اداله الحق أنه يركز على نقطه كانت غير جوهرية و بيستخدمها مجرد ورقة ضغط و هي حق الغلابة المهدور .. اكتشف أن النقطة دي سلاح مهم ممكن يستخدمه فلعب بيه كويس .. و دا طبيعي بالنسبالنا بندعيله فعلا يكون مؤثر لدرجة تكفي للتغير .. ع الأقل يكون أحد الأسباب و اللي بيقولوا أن في حد وراه .. يجوز جدا .. و الأكيد أن حاليا في ناس كتير بتدعمه و بتعرض عليه الدعم و هو قال كدا عادي يعني مين ؟؟ كل أعداء نظام السيسي بيتمنوا يدعموه و دا بردو منطقي و مش عيب بالنسبة للنوشتاء مدمنين اللايكات هيفضلوا يسفسطوا و ياكلوا فنفسهم كل ما الناس تهتم بحد غيرهم .. زي الاطفال الزنانة لما أهاليها تهتم باخواتهم الأصغر منهم .. انانية و جهل عملوا ايه غير اختراع المصطلحات و تخوين الكل و التعالي ع الشعب و شيطنة الإسلاميين اللي شالوا الليلة كلها شوية بقر بيتابعهم شوية مراهقين .. ف اتنططوا ع الناس .. للأسف !
هوه انا لواحدي اللي ملاحظ انتشار الايميلات الاباحيه هنا وليه الناس وصلت للمرحله دي😯😯😯انا بيجي ليا في اليوم اكتر من ٣ اسئله شاوت ومن اشخاص مختلفه لكن مش بجاوب علشان مش اضر اي حد متابعني وبكتفي بمسح السؤال😯😯😶ربنا يهدي
اعمل ريبورت للأكونتات دي ! بس المشكلة مش على اسك بس .. احنا من اكتر البلاد في البحث على المواقع الاباحية و أعلى معدل طلاق في العالم المشكلة مجتمعية و كل ما الظلم و الفقر و كبت الدين يزيد دا هينتشر اكتر شباب مش قادرة تتجوز مع غياب دور الدين و الدعوة .. مع سن كبير و إلحاح غريزي 😐
في مواقع كتير و كتب بتفسر .. ابعتلي الحلم في سؤال و أظهر الاكونت و هحاول ابعتلك تفسيره
ما هو الشي اللذي تتمناه كل ام لابنها ؟
ايه الاسألة دي !
- سبحان الله والحمد لله ولا اله إلا الله والله اكبر ولا حول ولا قوه الا بالله العلي العظيم
- استغفر الله العظيم الذي لا اله الا هو الحي القيوم و اتوب اليه
- حسبي الله لا اله إلا هو عليه توكلت وهو رب العرش العظيم
- اللهم صلي وسلم وبارك على سيدنا محمد عليه افضل الصلاه والسلام
جزاكم الله خيرا ..
مساحة💬
اعتراف .. ⬇️ تعديل .. لا يمكن الاعتراف 👍 قال هشام الجخ يوما .. قبل ما يطبل للعسكر : خايف عليكي من الكلام اصل الكلام فبلادنا عِلة تحت البيوت عسكر جوة البيوت عسكر فوق اللسان عسكر بين الضلوع عسكر طب كيف أقولك بحبك وضلوعى محتلة ؟؟
و ليه محددني في السؤال في مكان اقعد فيه .. جايز و انا متضايق بحب اصلي .. بحب انام .. اتمشى .. ايا كان سؤال فاشي .. بيخيرك بين اختيارات بيحددهالك .. بيسلب حريتك و بيخليك تتخيل انك حر .. عشان كدا مش هجاوبك و هدعي عليك انت و الحكام العرب 😂
اسألكم الدعاء بالهدايا والثبات وان يرزقني الله حبه وحب طاعته وان يقذق ف قلبي كره معصيته 😔
اللهم امين و كل المسلمين يا رب
لا خلاص ياعم نجيبهالك زيادة ولحد عندك كمان
صيام مقبول باذن الله
الملتحي اللي محدد لحيته أو حتى اللي مؤمن بوجوبها و حليق .. و المنتقبة اللي مش لابسة جوانتي أو حاطة كحل .. و اى حد مش ع المنهج بس مجرد بيصلي مسموش "تيواني" أو منافق لا الناس دي محتاجانا نشد على ايدهم و نقولهم احسنتم جزاكم الله خيرا .. اجتهدوا اكتر متكونوش عثرة و حاجز فطريق التزامهم .. كفاية المجتمع و النظام العالمي كله .. اتق الله
هيا لي الدينا بتغير الناس كدا يمكن الفلوس اللي بتعمل كدا 🌍
لا .. الحياة اختبارات متتالية .. و طبيعي الناس تفشل أو تنجح الصحة .. العزوة .. المعارف .. الشهرة .. المرض .. الفقر ..... الخ الفلوس مجرد اختبار من ضمنهم
احيانا بنختار صح جدا رغم ضبابية الواقع بشكل غير مبرر .. بس دي مش عبقرية .. اكيد في تفكير و استنتاجات و خبرة بس كل العوامل دي ربنا اللي وفقنا ليها و عادي الطبيعي تغلط زى المعظم احيانا بنختار غلط و الاختيار مبيتمش .. مش لسبب إلا أن الستير كان لطفه و رحمته من نصيبنا احيانا بنتعب جدا و الدنيا بتبوظ و كل اللي حوالينا بيشفوها سودة .. بس ساعتها بالامل اللي مالينا اللي ممكن نخجل فعز سواد الليل من مجرد الكلام عنه هو اللي بيحركنا و يصبرنا .. اكيد عشان ربنا كتبلنا دا يكون اسلوب تفكيرنا احيانا بتضيق ... حتى لو غالبا بتضيق .. حتى لو دايما ....... بنبقا عايشين ف انتظار اليسرين اللي ربنا وعدنا بيهم مع كل عسر الضامن الوحيد لابتلاء النعمة أو ابتلاء الفقد و الضيق انك تظن بالله خير الضامن الوحييييد لحياة سعيدة رغم كل اللي حوالينا هو فهم معنى الايمان اصلا فاللهم هدى و ثبات و تفاؤل .. و سعادة ✋