التعود احيانا بيكون ادمان النفس بتميل للاستقرار و تكرار المألوف و غالبا بتنفر أو ترتاب من التغيير و ممكن نعتاد أو ندمن اشياء مبنحبهاش اصلا .. و احيانا بنفكر أو نحاول نتخلص منها لو ليه آثار سلبية ! الحب يقارن بالاعجاب و التعلق .. ايه علاقته بالاعتياد 😂
سؤالين ندم ورا بعض ! بحاول أتجنب الندم .. و طبيعي خسارتنا للطيبين ممكن نعيد النظر فيها .. بس مش بمفهوم الندم و عن نفسي مندمتش بالمفهوم المعروف .. بس تمنيت لو لم يحدث كل ذلك لكن الفكرة الأكبر عندي : كل أمر الله خير فالحمد لله على ماقضى .. إيمانا بقدره هو الافضل قطعاااا الحمد لله على قدره خيره و شره حلوه و مره
بحاول أتجنب الندم بصراحة خصوصا لو كانت نيتي خير انك تتعلم و تطور و تتجاوز اللي فات افضل و التوبه يكون بمقتضاها محاولة تغيير المستقبل بالكف عن احداث الماضى مش مجرد البكاء عليه !
جهاز ودك تخترعه؟..
بروجيكتور ضخم .. جدا و أظهر الحقيقة في السما .. زي الشمس و القمر افضح الظلم و الجهل و الكفر و الحقد .. ابين الحق الضايع فنفوس الاعزاء الجهلة المضحوك عليهم للأسف كلام سخيف ! يجوز .. تماشيا مع السؤال حاولت اجاوب . خلينا نقول نفسي في جهاز اعلامي يوصل للكل ليهلك من هلك عن بينه ويحيى من حي عن بينة
إن كان أزعجك الأمس ما ذنبُ اليوم أن يرى وجهك عابسًا 💕 ؟
خير .. ربنا يسعدك
شو رايك بالحب ؟
ربنا يرزقنا الحب الحلال بس انت شو رأيك لو حولت قضية حياتك البحث عن قصة حب ! من امتع مشاعر الحياة السوية (و دا سبب اهتمامنا بيه) .. عامل مساعد جدا ع النجاح .. بيحقق استقرار نفسي .. كل دا جميل و مهم بس في حالة عدم وجوده .. محولوش لغاية .. في حاجات كتير موازية ليه مهمة و يمكن اهم .. و تحقيقها متقلش متعة عنه
...لماذا أحببتيه ؟
...لأنه لم يكن خارقا ولا متباهيا . كان بسيطا عفويا ، كلماته تخرج من قلبه بكل صدق ، فتدخل قلب. و أحس بها.
كان رفعت اسماعيل 😂😂
مشتاق لشخص انقطعت علاقتك معه ؟
احيانا طبعا من صفات المنافق الفجر في الخصومة اكيد بيتبقى بيني و بينه ذكريات مينفعش تشوه و المفروض نفكر فيها بانصاف يجوز كان طيب و من الفطرة نشتاق للطيبين يا طيب .. مهما كان الخلاف
للأسف مش خبير تربوي عشان اجاوب بدقة بس اكيد لازم نبدأ بالعلم الشرعي و التاريخ الصحيح مش المزور أو التافه أو المنقوص بعد كدا تكون الدراسة حسب الميول و تطوير النظام كله حسب انجح الدول في التعليم مفيش مانع نستقدم خبرا يشرفوا ع العملية كلها الجيل اللي هينتج بقا دا هو اللي هيبدع و مش هنحتاج لحد اعتقد دا تصور بسيط بعيد عن التفاصيل
انا حاسس اني قبل ما اشتغل كنت مرتاح مادياً عن دلوقتي !
منطقي .. مواصلات و جايز بتاكل بره او ايا كان .. مشوار الشغل نفسه احيانا بيكون مكلف بس خلى ليك هدف م الشغل بمعنى خليه خطوة .. أما لخبرة توظفها فمكان احسن .. أو ترقية معينة .. أو فلوس تقدر تعمل بيها شغل خاص او توفر تمن كورس يعلي شغلك أو حتى تعمل بيه شيفت كارير متحولوش لروتين تنهي بيها حياتك فبدايتها بص لقدام
غالبا مبحبش النوع دا من الاسألة .. بس حالا مش فارق معايا اني اجاوب .. ابقا اولا مزاجي 😂😂 عبد مقصر .. ! عصبي .. طموح .. عادل في الحكم على نفسه قبل الناس .. يتجنب الظلم قدر المستطاع يسأل الهداية و الثبات و يرجو عفو ربه نسألك الدعاء بصلاح النفس
برأيك مَاهي مقاييس الجمَال التي تجعل الشخص "جميلاً" بالفعل؟.
حلو أنه سؤال عن رأي و تجربة شخصية عشان نبعد عن محاولة التعمق أو الوقوف على إجابة عامة تنفع الكل كتجربة شخصية بشوف الشخص المبتسم دايما أو حتى فمعظم الاوقات اجمل الأشخاص المبادرة بالمساعدة طبعا اجملالصريحة المباشرة البعيد عن التعقيد و تحميل المواقف و الكلمات اكثر من ظاهرها .. الأشخاص اللي أهدافها من تصرفاتها متحتملش التمعين و أن احتملت فهو قاصد الهدف الواضح المباشرالأشخاص الاسويا اللي مختلفين معانا لمجرد اختلاف المعطيات لكن مبادئ الحق و العدل موجودة و الاحترام المبدئي لمجهودك فتكوين وجهة نظرك موجود فمهما اختلفنا في ارض مشتركة بيناالأشخاص اللي بتحط نفسها مكانك و بمعرفتهم ليك بيقدروا حتى اخطائك لثقتهم ان نيتك دايما خير و كل دا ليه جذور دينية و دا من عظمة الشرع الإلهيكل دا يعتبر بداية .. لكن اللي بيخليه اجمل بالنسبالي دينه طبعا و تليه ثقافته اللي هذبته و وسعت مداركه و تليها خبرته اللي وقف فيها على ثوابت مهدتله احتواء اللي حواليه بفطرة سليمة و عقل اتعلم من أخطائه و عدلهاع المستوى الشكلي مؤمن أن اى شخص نعتاد عليه و نحب شخصيته هنحب ملامحهكفاية كدا .. اتمنالك الجمال و الثبات عليه 👍
أقرب صديقة،بعتتلي رسايل وحشة ع صراحة وعرفت إنها هي.دي مش أول مرة لأني عرفت إنها عملت نفس الحركة زمان مع صديقتها وقتها على آسك.
أنا بعدت واحدة واحدة بس ما اتكلمتش
أخاف يكون سبب سكوتنا تماديها في الموضوع ده
متأكدة بنسبة٩٠٪ لأنها ذكرت حاجات وجابت سيرة مواضيع محدش يعرفها غيرها وأدلة تانية
أواجهها؟