لو واحده قررت تتغير وتقرب اكتر من ربنا ^_^ انصحها/يها نصيحة.. حتي لو انت/ي شايفاها صغيره؟
القرب من ربنا احساس قبل أي حاجة .. يعني هي فعلا حاسة بيه حواليها ف كل حاجة وعايز تطيعه فعلا مش رهبة لا حب .. لحظة الأنس بالله يعني هي بتخليها عايزة تقربله ... كل ال أقدر اقوله لها طبعا الصلاة أكتر حاجة بتقرب من ربنا وانتي بتقرأي مش لازم سور معتادة اقرأي سور مش حافظاها عشان تتعودي عليها وبالتالي دا يشجعك ع حفظ القرآن ولو الحمد لله مواظبة ع صلاتك زودي نوافل .. ابحثي ع النت وشوفي حلقات مثلا لمصطفي حسني .. اسمعي اغاني اه بس ف حب الله .. حتى ف مذاكرتك ممكن تسبحي لو سرحتي ف المذاكرة من الاخر املئي حياتك بطاعة الله .. ربنا يوفقك ويباركلك ويكرمك يارب ويثبتك .. وادعيلنا معاكي ربنا يهدينا ❤
طيب اولا مش هقدر افيد حضرتك أوي ..بس البنت عموما لما بتتجرح بتفقد ثقتها ف الناس لأن لو هي اتجرحت من حد كان شايفاه هيبقا ضهرها وسندها وحمايتها يعني نفس مكانة والدها وأخوها ال هو مثدر قوتها المفروض انها شايفاه زوجها يعني زي ما بيقولها نصها التاني ... لما بتتجرح بتفقد الثقة أوي وتتحول دايما بقول عليها ل #فازة اتكسرت يعني لو شخص عايز يحبها ويفرح قلبها من تاني لازم يتعب أوووووي أووووي ف تصليح الفازة دي يلم ف كل جزء فيها من الآخر بترجع لشطارة الانسان الجديد ف حياتها دا هل هيقدر يرجع لها احساسها بالامان ال فقدته !! ولا لأ ... مش المطلوب من البنت غير انها تفتح المجال بس لقلبها وللشخص دا عشان يبدأ يرجع ثقتها ف الناس تاني وبس :)) دا من مفهومي يعني :))