2023-03-01 Wednesday
افضل شيء بحياتي واكثر شيء احبه فيها واقرب كائن لي وافضل صديق لي اختفى من حياتي, احس باقي بحالة انكار يعني ماستوعبت الصدمه اللي صارتلي باقي والحين هذا اليوم ١٧ بعد موت كليجه وباقي مانمت بغرفتي لانه صار مكان كئيب وموحش, احس بالقهر والندم والحزن بس اكثر شيء ندم اني ما انقذتها من ذاك المكان والا كان الحين بتكون باقي بحياتي وباقي كل يوم تنشبلي العب معها وتنام فوقي واطيحها بالغلط اذا نمت واقوم الصبح وافتحلها الدريشه تتفرج على العصافير, كانت تنشبلي حتى لو دخلت الحمام وسكرت الباب تنط وتفتحه وتدخل بس كانت تبي تكون معي طول الوقت, مره اشتقتلها شلون ماعاد بشوفها مره ثانيه مره اشتقتلها واشتقت اسمع خرخرتها واشم ريحتها بموت قهر لان ولا شيء نشب فيه ريحتها والحين ابغى اشمها.. مدري كيف يقولون بتمر الايام وبتحسن ماظن اني بوقف اشتاقلها واصيح عليها لان من قبل لا تموت وانا اشاقلها اذا رحت الجامعة استنى متى ارجع وتستقبلني عند باب غرفتي, كنت حتى قبل اطلع كل يوم استودعها الله لأن كان اكثر شيء يخوفني ان يصيرلها شيء وانا موب عندها او اني افقدها والشيء هذا صار, لكن كان قدامي
ودعتني ذاك اليوم انسدحت جنبها فوق سريري وكان عندي احساس وكانت تلمس وجهي وهاديه بعدين لما داخت ووديتها للمستشفى بالطريق بالسيارة كانت تناظرني مع ان موب بوعيها بس كنت اقولها كليجه اصبري حبيبتي اصبري ونزل مطر بهذي اللحظة وكانه مشهد موب حقيقي كأنه كابوس ويقطع القلب بس تذكرته الحين ماقدر اوقف صياح, لما وصلنا المستشفى وكنت اشيلها وركضت لهم ينقذونها واصيح وعطوها اكسجين لان نفسها وقلبها ضعيف وحرارتها مره نازله, بعد يمكن دقيقه او اقل صحصحت شوي وحاولت توخر الاكسجين وناظرتني وحبيتها ورجعت الاكسجين عليها ورجعت انسدحت هي واخذوها عشان يحاولون يرفعون حرارتها, حطولها بعد مغذي وبعد ساعة كذا قلت للدكتور ابغى ادخل اشوفها ودخلنا الغرفه حقت العناية المشدده للقطاوه بعدين كان الدكتور يفحصها وماقدرت اناظرها مغطيني بظهره وقعد ينعشها يمكن دقيقه مدري كم ماركزت بالوقت او بأي شيء كنت احاول استوعب وش السالفه بعدين وقف وناظرني وقال انها ماتت قلت له لا تأكد تأكد ومدري وش صار بس طحت بالارض وكنت اصرخ اقوا ماعندي ماقد طلعت هذا الصوت او صحت بحياتي زي كذا, ماكنت احس بالناس بس انا فقدت اكثر احد احبه واكثر احد اخاف عليه اكثر من نفسي...
ودعتني ذاك اليوم انسدحت جنبها فوق سريري وكان عندي احساس وكانت تلمس وجهي وهاديه بعدين لما داخت ووديتها للمستشفى بالطريق بالسيارة كانت تناظرني مع ان موب بوعيها بس كنت اقولها كليجه اصبري حبيبتي اصبري ونزل مطر بهذي اللحظة وكانه مشهد موب حقيقي كأنه كابوس ويقطع القلب بس تذكرته الحين ماقدر اوقف صياح, لما وصلنا المستشفى وكنت اشيلها وركضت لهم ينقذونها واصيح وعطوها اكسجين لان نفسها وقلبها ضعيف وحرارتها مره نازله, بعد يمكن دقيقه او اقل صحصحت شوي وحاولت توخر الاكسجين وناظرتني وحبيتها ورجعت الاكسجين عليها ورجعت انسدحت هي واخذوها عشان يحاولون يرفعون حرارتها, حطولها بعد مغذي وبعد ساعة كذا قلت للدكتور ابغى ادخل اشوفها ودخلنا الغرفه حقت العناية المشدده للقطاوه بعدين كان الدكتور يفحصها وماقدرت اناظرها مغطيني بظهره وقعد ينعشها يمكن دقيقه مدري كم ماركزت بالوقت او بأي شيء كنت احاول استوعب وش السالفه بعدين وقف وناظرني وقال انها ماتت قلت له لا تأكد تأكد ومدري وش صار بس طحت بالارض وكنت اصرخ اقوا ماعندي ماقد طلعت هذا الصوت او صحت بحياتي زي كذا, ماكنت احس بالناس بس انا فقدت اكثر احد احبه واكثر احد اخاف عليه اكثر من نفسي...