خلصت ثانوي بقي والحياه الحلوه،مكان جديد في بلد جديده في محافظه جديده ف قاره جديده ايوه قاره جديده وطبعا الطقم اللي علي الحبل والنضاره اللي واكله نص وشي واول محاضره بقي بيشرح ميكانيكا وانا غبي مش فاهم كلمه ساعه ونص ولا الهوا وفي الاخر يطلع كان بيشرح نكتبله حل الشيت ازاي😂احكلنا عن اول محاضره؟ #مجهول
اول محاضره دي دخلت ف اخرها ههههه الواحد كان متعود ع التأخير من اولها ومكنتش اعرف كانت بتشرح ايه اصلا ولا فاهمه حاجه وكل شويه اجمع شويه معلومات واقول دي كميا بعدها ارجع تاني اقول لا لا دي فيزيا وطلعت ف الاخر محاضرة كميا فيزيائيه 😂😂
فاكرين فيلم يا انا يا خالتي. العفريت جاميكا دا كانت بتقول انه لغتهم كلمه واحده. مفكرتش قبل كدا ان القطط لغتهم كلمه واحده برضو والكلاب كلمه واحده ولو بصيت كل الحيوانات لغتهم كلمه واحده بس مختلفه عن التانيه تفتكر ليه؟ ومحدش يسالني عشان معنديش اجابه يقينيه عندي مجرد تبرير فلسفه خاصه يعني
#مجهول
عشان اصلا هي كل لغه ليهم مختلفه عن التانيه ومحدش غيرهم بيفهمهم لا حيوان تاني ولا الانسان .ههه دا مجرد تأليف بس
انتي فاهمه انتي مخلوقه ازاي ومخلوقه ليه.طيب عارفه الفرق بينك وبين الراجل الموضوع مش شكل او تكوين اد ما هو روح اللي بتعبري عنها بشويه كلام فمن فضلك الفاظك اختاريها كويس مش هتبقي روشه وانتي بتقولي الفاظ الولاد اللي اقسم بالله اتكسف اقولها.خليكي مختلفه عن سواق التوكتوك.رايك في الفاظ البنات اليومين دول؟
ايه دا كل الناس محبتش ف ابتدائي كنت هاقلق علي نفسي ان حبيت الميس بتاعتي وبعتلها جواب بطلب ايديها بس اطمنت لما لاقيت بنت مجاوبه انها حبت ولد فهمها انه اكبر منها ب 15 سنه وهو ادها عادي😂😂 قولنا اسم اكتر مدرس كنت بتكرهه واحساسك ايه لما بتقابله ف الشارع؟
بس والله عظيمه البنت دي 😂😂😂😂
كان مدرس الرياضه واسمه استاذ جمال كنت بكرهه جدا عشان ضربني مره من غير سبب وكرهت الرياضه بسببه واتعقدت ف عيشتي ..بس اشطه يعني دخلت علمي رياضه بردوا ف الاخر
الزمن الجميل؟ الكلمه دي فضلت مجنناني بتاع 3 ايام مثلا ايه هو الزمن دا بتاع روتانا كلاسيك؟ لا اكيد الناس اللي قبلنا كان زمانهم حلو وبعدين افتكر انه مكنش عندهم كهربا اصلا دا بالنسبالنا جحيم دلوقتي؟ الله امال امتي الزمن دا؟ حد يقولي؟ اتصرفوا لازم اعرف؟
مع ان مكنش في كهربا وكان الفقر اكتر بس كان الناس بتحب بعضها جدا وبيخافوا ع بعض وكان في خير كتير ف قلوب الناس
بما ان العيد خلص ودايما العيال كبرت وكل ما يكبروا فرحت العيد بتقل. انا اخر حاجه فاكرها من عيد مفرح اني كنت بصحي من النوم اخد من بابا العيديه واخرج اشتري مسدس وارجع اخد منه عيديه تاني.
احكلنا اخر حاجه كنت بتعملها ف عيد مفرح بالنسبالك؟
كان جدي الله يرحمه كل عيد يجيبلنا مسدسات كده كنت بحب العب بيها وكان بيقعد يلعب معانا بيها واعتقد دا محصلش بقاله كتير جدا