اللي يتصنّعون التديّن ويسوون نفسهم مؤمنين وينقدون الكل على تصرفانه كأنهم كاملين (والكامل الله) لكن أخلاقهم زفت وأزفت من الزف! الإسلام دين أخلاق! مو نفاق!!
التدريس وايد حلو خصوصا إذا كنتي حابه المهنه ^^ الوقفه بالصف جدام اليهال (أو كبار لو تدرسين متوسط وثانوي) أحسه مثل لو كنتي واقفه بمسرح وتمثلين دور بمسرحيه xD أحب إني أكون مركز اهتمام كل اللي قاعدين عندي بالصف وقت الشرح والكل يسمعني ويتفاعل معاي أثناء شرح الدرس. والحلو بالمهنه انج تتحركين من وإلى الصف، بالساحه، ..الخ المهم انج مو قاعده طول اليوم على مكتب. في وايد مواقف أشياء تصير مع الاحتكاك بالطلبه او أولياء الأمور أو المدرسات.. هالشي نوعا ما يكسر الروتين. اللي ماحبه بالمهنه ان ادارة المدرسة يعاملونا مثل اليهال! والمبنى المدرسي كأنه سجن ماتقدرين تطلعين الا باستئذان رسمي ومو أي وقت تبين! و المهنه وايد تاخذ من طاقتج وجهدج حتى بعد الدوام لازم تحضرين وتجهزين وسائل والخ.. وترجعيم البيت ما تتحملين أي ياهل لأن استنفذتي كل تحملج بالدوام ههههه وتطلعين الحره بالبيت. لو رجع فيني الزمن ماراح أغير وظيفتي لكن الحين عقب ما اشتغلت ١١سنه أحس ودي أرتاح وأطلع من التدريس :)