انا اتجوزت وحاسه اني مبحبش جوزي ومش عايزه انتقادات بجدد انا اتجوزت تقليدي وكانت أقصي طموحاتي اتجوز بما يرضي الله شخص واحبه بس المواصفات العامه من تدينه وشكله الحلو وكله مكفنيش اني احبه قلبي بيتقطع كل يوم وانا مش قادرة اعيش كويس بسبب اني مش راضيه وكنت كل ما اسيبه الاقي ١٠٠ الف لا في الخطوبه
مفيش حاجة اسمها حب
لو مش قادرة اتطلقي عشان متروحيش لحاجة ابعد من كدة قدام وهتلاقي 100 الف مبرر لده
طيب يعني انتي مش معمية بالحب علشان نقول ما اتعرفتيش عليه كويس
هو بيعاملك ازاي
مبحبش العلاقات الغير مريحة
وان افضل متحمل ومفيش جديد وكله بيضيع من عمري عالفاضي
الفكرا ف انه هو اي ذنبه دلوقتي انه اتجوزك كنتي عرفيه بينك وبينه انك مش عوزاه قبل الجواز
هتحبيه مع الوقت
ربنا يهديكي ايه اللي نقصك
حاولي تدوري ع نقطه تلاقس الجواز و الحب بيتبني ع التفاهم و التفاهم بيخلق بعدها ميت الف طريقه للحب اقري الرجال من المريخ و النساء من الزهره اهتمي شويه بيه و اسمعي منه لما تسمعوا و تحكوا سوا هيخلق رياط من العواطف بينكم
ماهو عشان كدة بنقول لازم يكون في نسبة قبول ضمن المعايير اللي بنختار على اساسها ، مش كفاية يكون الشخص اخلاقه كويسة وبس
وطبعاً القبول اقل درجة من الاعجاب والإعجاب اقل درجة من الحب
بس طالما في قبول غالبا بيتحول لاعجاب ومع الوقت بيتحول لحب
ويمكن من اكبر اسباب الشعور اللي عندك دة هو انك حاسة من البداية انك واخداه بالإجبار والغصب بدليل انك بتقولي ( كل ما كنت اسيبه الاقي 100 الف لا ف الخطوبة )
فكرة الجبر دي في حد ذاتها كافية تقفلك منه ولو كان ملاك من السما
عموما مفيش قدامك حل دلوقتي غير انك تحاولي تتعايشي وتدي لنفسك فرصة تبصي للجوانب الايجابيه عنده ، وخصوصا لو في اولاد لان مسؤوليتهم تقيلة ومش سهلة وهما اللي هيدفعوا تمن الطلاق ف الاخر