بحب علاقات الصداقة اللي بتكون بين اتنين مختلفين في طباعهم ظاهريًا، طرف عاقل وهادي، والتاني مجنون ودايمًا هو اللي بياخد بإيد التاني لكل حاجة جديدة عليه، كأنهم بيكملوا بعض، والتشابه بيكون موجود بس في القيم اللي مبتظهرش من بره، كأن أرواحهم بتعزف على نفس الموجة رغم اختلافهم الظاهري، بس الاندماج والتوافق ما بينهم بيكون مساحتهم الآمنة في زحمة الدنيا.. كفاية تحس إن فيه إنسان بيحبك ومُتقبلك وأنت على حقيقتك من غير "مُقابل".💙
رسالة ما بعد الفراق ؛وحشتيني. وكإنك دلوقتي معايا، محتاج لحضنك ويايا .. صوتك مبيفارقنيش ...تملي صورتك ملازماني، وضحكتك ع بالي ، وحكاوينا في نص الليل .. الجو كئيب جدا من غيرك ، والشتا بارد كالمعتاد ..وحشني حضنك الدافي ، خروجاتنا في وقت ما بنحب وهزارنا في نص الشارع ، وللمة الناس حوالينا .. وذكريات مبتتنسيش ")) وبحبك ف نص خناقنا بتصلح كل الاسباب بيعدي دقيقة في خصامنا ، فبنلحق نفسنا بعتاب .. علاقتنا مكانتش هزار انا كنت عاوزك دار أسكنها في امان علاقتنا كانت مبنيه كأتنين أتخلقوا لبعض وأفترقنا من غير ترتيب نوبات إكتئاب بتجيلي فجأه ومن غير مواعيد فأصحى كل يوم وابكي واعيد وازيد وكأن البكا بيعوض وجودك آنا آسف على البعد اللي دار بينا مكنش لازم نوصل لكل دا أنا آسف جدا من قلبي وبحبك جدا ياحبيبتي الحب بقى ممل والعشق مش صافي كله بعد عني ، كله راح معاكي بقيت مش عارف اعيش من غيرك وبائس زي منتي شايفة معرفش طعم النور ، قلبي بدأ يبور الحزن كان في عنيكي وكإنك هترجعي صوتك في عقلي بيقول؛ أنا جمبك ، روحك محاوطاني ، صورتك ف مرايتي .. بشوفك ف أحلامي وبشوفك في احزاني .. بعدك ميتصدقش .. بكتبلك جوابات يوميًا.. وبنادي عليكي في مرسال قلب المستمع وجعه ما بالك بقلبي الميّال! أنا حزين ومش مبسوط ودي مش جرعة بؤس كل تراك دي جرعة ممزوجة بالفراق.