اسغفرالله العظيم الذي لا اله الا هو الحي القيوم وأتوب إليه وسبحان الله والحمدلله ولا اله الا الله والله اكبر ولا حول ولا قوة الا بالله واللهم صل على سيدنا محمد وعلى اله وصحبه وسلم لا اله الا انت سبحانك اني كنت من الظالمين ابعتها بدون اسم للناس الي عندك و خليها صدقة اليوم❤
تفتكر وجودك مهم جداً ف حياه حد لدرجه إن حياته تقف علشان انت مشيت مثلاً ؟
خلينا متفقين ان محدش حياته بيقف كليا وحرفيا على موت حد مهما كان درجة قربه ممكن حياتة النفسية هى الى تتاثر ويتوقف نموها لكن عمليا مفيش حد حياته بتقف افضل الخلائق سيدنا محمد صلى الله عليه وسلم وجوده كان رحمة بالمؤمنين ولما خرج سيدنا عمر بن الخطاب رضى الله عنه وقال فيما معناه ان من قال ان محمدا قد مات قطعت رأسه وخرج ابو بكر الصديق وهو اقرب الناس واحبهم الى قلب رسول الله وصديقه وحبيبه وابو زوجه عائشة ام المؤمنين رضى الله عنها وكان احب اليه من زوجاته صديق عمره ومصدّق معجزاته قال من كان يعبد محمد فان محمدا قد مات ومن كان يعب الله فان الله حى لا يموت فتانى محدش حياته بتتشل كليا لموت حد لكن نفسيا ممكن يقف ميتحركش .
يمكن من فترة قريبة جدا كنت مستنية حد يطبطب عليا ،يقولى اد ايه انى جميلة ،اد ايه انا فارقة فى حياة حد ،او كلمة كويسة من صاحبة ليا ان اد ايه انى اقرب حد ليها او اول واحدة تجرى عليا ،كنت فاكرة انى فى ناس عندى رقم واحد حرفيا بفكر فيهم 24 كنت فاكرة انى انا كذلك فى حياتهم كنت بشوف نفسى جميلة فى المراية واخرج اتفاجئ بانهم بيقولو غير الى شوفته واتفاجئ بحاجات انا شايفاها غير ماهما شايفين لكن اتغيرت بقيت اروح المكان الى حاباه مبقيتش عاوزه اخرج زى الاول زى مكنت فاكره ان الخروج هيبسطنى لقيت لا انا ممكن ابسط نفسى باقل حاجه حتى لو بكباية شاى بقيت غير بقيت مش شايفة رايهم زى الاول وبعدى الى حد ما ،مش محتاجه حد يقول انا بالنسباله ايه بقيت بشد قلبى بعنف الى اتعلق بيهم واعلقه بربهم ،واتاكدت انى محتاجة اعادة تاهيل لقلبى وترتيب الناس الى فيه مش مهم مين راح ومين جه المهم انى ثابتة وقلبى ثابت عشان متعلقة برب العباد