رد فعلك حيكون ايه لو قابلت طفل والطفل ده كان انت وانت صغير ..
هقوله ماتكبرش🥺
Ask @shoroukmoustafa2
لو فسخت الخطوبة ارجعله الشبكة ولا ده حقي؟
كل حاجه جابها ترجع لو جابلك حتى باكو شيبسي ترجعيله ليه تمنه طالما قررتي تقفلي صفحه تبقى ترميها خالص وماتخليش حد له عندك اي حاجه وادعي ربنا يعوضك بالافضل.. وكدا كدا سابك انتي سبتيه دا حقه اصلا وكل شئ قسمه ونصيب..
Liked by:
Aya A. Sobh
بتتمني ايه يحصلك دلوقتي؟
حاجات سهله اوي بس صعبه اووي😌
People you may like
اسم السوره الأحب لقلبك
البقره💜
مسكن افضل من بنادول عشان سناني بتموتني
Cataflam
من وجه نظرك شايفه ارتفاع نسب الطلاق ف مصر بسبب الراجل ولا الست
زادت نسبه اشباه الرجال اووي اووي زاد ابن امه وابن اخته وابن سته ..بتاع البنات.. معدش في راجل اد كلمته واد وعوده وبيحافظ علي خصوصيه شريكه حياته ومبيقدرش يفرق بين بره لاهله وبين احترام وتقدير شريكه حياته وكل حاجه بينهم يجري يقولها دا مثلا اللي شخصيته ضعيفه دا من جانب في كمان البخيل عليها بمشاعره بفلوسه دا برضو شبيه راجل ومش عارف ان الرجوله انها تكون مسئوله منه وانه دا واجبه عليها اصلا ليس منا منه اطلاقا عليها.. كمان زاد عدم وعي الاهل ويتدخلوا في حياه ابنائهم ظنا منهم انهم بيحبوهم وبيخافوا عليها والحقيقه انهم بيهدوا حياتهم والمشكله الاكبر عدم وعي الابناء ب دا ويهدوا معاهم ويدخلوهم في حياتهم اكتر وكمان في بنات برضو مش علي قطر كافي من المسئوليه بتعمل نفس الشئ ومش بتحافظ علي خصوصيه البيت دا والحقيقه انه ماعدش في وعي وبقا في استهتار بقدوسيه الزواج اصلا.. اللي هو احلي حاجه في الدنيا تبقا مطمن جمب شريك حياتك لو اختياره صح واتعس حاجه في الدنيا لو اختياره غلط ربنا يرزقنا جميعا شريك الحياه المناسب اللي يقدرنا ويصوننا ويتقي ربنا فينا يارب يارب
الانسان يعمل ايه لما يحس انه ملهوش نصيب فى أي حاجه !!
يسلم اموره لله ويرضي اهم حاجه الرضا يكون نابع من جواه ياعبدي ان رضيت بم قسمته لك ارحت قلبك وبدنك وكنت عندي مشكورا وان لم ترضي بم قسمته لك لاسلطن عليك الدنيا ومافيها تركض فيها ركض الوحوش في البريه فلا يكون لك فيها ايضا الا ماقسمته لك ..فالرضا النابع من القلب دا بيريح اووي اصل هنعمل ايه يعني ربنا قدر دا وكتبه يبقا دالخير ربنا عايز كدا ربنا اللي احن علينا من نفسنا.. في حكمه اكيد هنعرفها بعدين ولو حتي معرفنهاش فانا راضي يارب.. لما نرضي كدا ربنا هيقول انت رضيت وصبرت طب خد يابني ادم العوض الحلو دا اللي شايلهولك عامل زي الابن لما بيغلط وتيجي تضربه وتشتمه وتعنفه الابن دا لوعاند اكتر واكتر انت هتستفز وتزود ضرب فيه غصب عنك لكن لو قابل تعنيفك دا بنفس راضيه وانك ابوه هتتكثف منه وهتحاول تعوضه عن القلم اللي ضربتهوله دا.. ويمكن تاخده تفسحه كمان.. دا منطقيا كدا وربنا بقا احن علينا من ابونا وكل ابتلاء بيرفعنا بيه درجه زياده في الجنه يعني انتي احسن من اللي عايش اقل ابتلاء انتي احسن منه عند ربنا كمان والله احنا نسينا احنا جينا الدنيا ليه !!عشان نعبده ونتقيه ونمشي لدار الخلد دا هدفنا الاساسي فيارب انا راضي كل اللي يجي من عند حبيبي حبيبي💜
Liked by:
سِت الحُسن
الاختفاء حل؟
احيانا اه.اعتزل مايؤذيك
بتفضل الألوان الفاتحة ولا الغامقة في اللبس؟
اللي شكله يعجبني ويليق عليا ايا كان لونه ايه
لو حد انتي مرتبطه بيه كذب عليكي.. كذبه كبيره هتسامحيه وتكملي؟
لا مش هكمل طول ماالثقه اتكسرت مافيش حياه خلاص.
البخل سبب كافي للرفض ؟
ايوه اكييد البخل صفه ذميمه جداا محدش يقدر يتقبلها ابدااا
الجملة اللى عينك وقعت عليها ❤✨
افتكر مهما حصلك ان كله بيبقي خير
ايه الجملة اللي بتقولها لنفسك في أوقاتك الصعبة ؟
كله رايح😂😂😂😂
من وجهة نظرك اي العامل الاساسي ف تربيه الطفل ؟ (البيئه المحيطه بيه ولا البيت)
الاتنين اكييد مش هنعزله عن المجتمع بس البيت الاساس.. وعامل اكبر في تكوين شخصيه واسس ومبادئ الطفل لازم نربيه علي الدين والضمير والمبادئ ويراقب ربنا في كل افعاله ولازم منخوفوش مننا ومنتبعش سياسه الضرب دا اساسا عشان دي سياسه البقره فقط ليس الا ولازم نشبعه برضو بالاهتمام ونزود ثقته بنفسه وبعد كدا نسيبه للمجتمع واحنا مطمنين عادي في ضمير جواه في ربنا مش هيغضبه بس كدا وبرضو نعلمه الكلمه الطيبه صدقه وميجرحش حد بكلمه وميتنمرش علي حد كل خلقه ربنا حلوه لازم نطلعه سوي وبيحب كل الناس وعلي الجانب الاخر برضو يكون ليه شخصيه ويعرف يرد علي اي حد بيضايقه بس كدا...
اكتر يوم فرحت فيه ف حياتك
للاسف مش عارفه😪
Your fav colour ❤️
💜
ما هي الشوكولاتة المفضلة عندك؟
فيريرو روشيه وجالاكسي ومورو وكادبري ديري ميلك انا اصلا بعشق الشوكليت😂😂💜
علاج طبيعى ولا صيدلة انا بنت
صيدله
لو قلتلك رشحلي مكان بتحب تروحه او تقعد فيه ؟!
فيه restaurant انا بحبه اوي اسمه stereo في المنصوره دا اكتر مكان بحب اروحه💜
أتمنى أن يصادفك شيء جميل يغرق قلبك بالسعاده♥️🌼
يارب اللهم امين👐
لو انا شخص اذاك في حياتك هتقولي اي؟
مش هقول حاجه كلنا كبار وعارفين بنعمل ايه كويس لو حسيت بالاذيه وعدم التقدير هنسحب بهدوء وبس كدا..
شكراً لاهلك لانهم طلعوا شخصيه محترمة زيك والله ♥
الحمدلله💜
لو حد غالي عندك قالك سيبني لوحدي عشان متضايق هتعمل ايه؟
لو حد غالي اووي عليا مستحيل اسيبه لواحده ابدا وهو متضايق ماينفعش اسيب النار لما تهدي خالص واروح اطفيها معدش هيبقا ليا اي لازمه والشخص دا هيتعود علي غيابي لازم يكون ليا اثر في حياته لازم اواسيه واساعده واسمعه واعيط معاه لو لازم.. الحزن بيقل جدا لما يشيله اتنين لاني متاكده لو سبته مره واتنين في التالته مستحقش اكون موجوده في حياته اصلا وانا لما بحب حد بكون لزقاله بمعني لازم اشاركه كل احزانه قبل افراحه حتي لو حياته كلها احزان ... كفايه اني اكون استثناء ويحكيلي عن احزانه دي .بالنسبالي قمه الحب اصلا..
اجمل هدية في نظرك
ان حد يفتكرني في عز شغله مثلا او حد يفاجئني من غير سبب وكدا..
ويجز قال ايه 💔
سحرتني ولاسحرتلي ..
Next
