Ask @ahmed01012193152:

TALK 🌙✨

Nourhan"EDCUer"✨
احنا كلنا نتاج شوية ظروف وتجارب ومعادلات مختارنهاش.. الأشخاص اللي إحنا عليها دلوقت كانت هتكون أشخاص تانية لو اتولدت في نطاق جغرافي تاني.. كنا هنكون ناس تانية لو اتولدنا في عصر تاني أو لو كنا اتعاملنا مع ناس تانية أو لو كنا متعرضناش للفكرة الكذا أو لو كنا حتى باسم غير اسمنا..
كل الحاجات الصغيرة دي لو كان طرأ عليها أي تعديل صغير كان زمانّا مش إحنا.. علشان كده أنا شايف إن مفيش حاجة تستاهل الانحياذ ليها.. حتى أفكارنا وأراءنا وأذواقنا.. كل ده مش بتاعنا وميستاهلش الدفاع.. اللي يستاهل الدفاع والمعركة في رأيي هو كونك مبسوط باللي أنت عليه حتى بعد ما اتفقنا إنه مش بتاعك، بس طالما أنت مبسوط بيه فعلًا وعارف ده كويس يبقى حارب علشان تحافظ عليه..
الناس بشوات تعديلات وكل واحد عايز الكون بموجوداته يكون نسخة منه ومتوافق معاه ومع كتالوجه الشخصي لأن الاختلاف بيتعبهم.. ومعركة كل واحد هنا إنه ميسمحش بالتعديلات دي تدخل عليه طالما نسخته عاجباه وفرحان بيها..
للأسف أنا بنسى كتير ده.. وقفشت نفسي كذا مرة فعلًا وأنا بتنازل عن انبساطي الشخصي في سبيل إرضاء وجهة نظر ورأي حد فيّا.. لكن بردو بلحق نفسي قبل ما أنساق وأكمل تنازل.. مع الوقت ده خلاني مُنفر لكتير يمكن.. ناس كتير بعدت.. ناس كتير خسرتني.. ناس كتير مقبلتش إن اللي قدامهم يكون حاجة غير اللي عايزينها واللي شايفينها صح.. بس ده كله مش مهم..
إحنا جايين نتبسط شوية وماشيين.. مفيش أي حاجة وأي حد يستاهل التنازل عن إننا نتبسط بالشوية بتوعنا علشان نخليه يتبسط بالشوية بتوعه لما يلاقينا شبهه..
دي القاعدة والبوصلة اللي بتمنى مفقدهاش.

View more

🖤_🖤

Az ma a
لم يكن الكنز في الرحلة.. أنت لم تخض الرحلة وفق إرادتك الحرة منذ البداية.. لم تضع قواعدك الخاصة.. لم تهئ الظروف المناسبة.. لم تختر أن تخوض.. وبينما يحدث كل شئ ظللت أراقبك.. أعرف جيدًا أنك بحثت بحثًا مضنيًا عن الاجابات ولم تجدها فقررت أن تكف عن طرح الأسئلة.. أعرف أنك تقبلت كل ما يحدث وواصلت المسير حتى بعد أن فقدت البوصلة.. واصلت المسير حتى بعد أن فقدت الرؤية..
رأيتك وأنت تحاول إرضاء الجميع ورأيت فشلك في ذلك.. رأيت تحولك لكيانٍ فرانكتشتايني، كل جزء به ينتمي لمكانٍ وزمنٍ وفكرةٍ ومذهب، يختلفون عما ينتمي إليه الجزء الآخر.. رأيت كل أجزاؤك وهي تنتمي لكل شئ عداك!
رأيت سعيك الدائم في الوصول للمعنى والقيمة والذات، ورأيت سعيك يحول لدون جدوى.. تمامًا كحياتك.. ربما ما كان يلزم الأمر هو بعض التخلي.. تخليًا عن السعي.. تخليًا عن المكسب.. تخليًا عن خوض الحرب وضرواتها.. تخليًا عن كل شئ..
رأيتك تدرك أنك لم تكن تدرك.. خطوة متأخرة حدثت على بعد خطوات مني لكن لا بأس بها.. فأنت تعرف جيدًا أن الوصول متأخرًا أفضل من اللا وصول..
والآن، وحسب وصولك إليَّ يفترض عليّ أن أجيبك على السؤال الأهم.. من أكون؟
أنا النهاية.

View more

∫ ✍حروفك تُضيء المكان ، تَحَدث💜∫. .✎

Safaa Elshafey
قبول الآخر مش حاجة ينفع تتعلمها.. انسى..
مفيش كتاب ولا خطوات متفق عليها علشان تقولك تعمل إيه.. اللي مش قابل الآخر ولا عارف يتعامل معاه ده حد عنده رواسب فكرية حفزت عدم القبول والتعصب لبني جنسه ولونه ودينه أو أي ان كان، الرواسب دي متمثلة في تربية وتعليم وظروف نشأة وهكذا.. بس الكبيرة بقى إن الرواسب دي مش كل حاجة.. لأ فيه حاجة أكبر وهي كون الانسان ده غبي..
لأن في رأيي اللي مبيعرفش يتعامل مع المختلفين عنه أو مش قابلهم ده مش مُدرك أصلًا لكونه إنسان وبيخضع لنظام اجتماعي تعاوني وتكاملي وسلسلة مينفعش تفقد احدى حلقاتها.. هو بينكر ده كله أو هو مش فاهم ده كله وبيشوف انه ممكن يعيش لوحده عادي زيه زي أي حيوان مبيخضعش للنظام السابق ذكره -لأن فيه حيوانات وحشرات شبهنا في السلوك زي النمل مثلًا- يعني صاحبنا اللي شايف انه ممكن يعيش لوحده ومن حقه يعيش لوحده ده فيه حيوانات بتفهم عنه.. متخيل؟!
الخلاصة إن مش بس التربية والتعليم وظروف النشأة هي اللي ليها دور في ان الشخص يطلع شايف إنه جنس أرقى من اللي حواليه لأن دي كلها ممكن بشوية إدراك الواحد يتعافى منهم.. بس العامل الأكبر واللي مالوش علاج هو الغباء، لأن فهم كونك إنسان ده بيتطلب قدر ضئيل جدًا من الذكاء، فلو القدر القليل أوي ده مش موجود فده معناه إنك غبي وعمرك ما هتتعلم تقبل الآخر.. عمرك ما هتتعلم أصلًا..

View more

⁦✧*。⁩

رِيم
ده العالم من غيرك.. متأثرش.. عادي العربية اللي خبطتك كملت في طريقها.. الطريق وقف شوية تقريبًا لغاية ما جه حد قرر يركنك على جنب.. الدبان ده أكتر حد وقف جنبك.. وعليك.. لغاية ما اختفيت.
حياتك مكانتش مؤثرة أوي.. الحرق اللي في وشك ده كان مؤثر في حياتك أكتر ما هي نفسها مؤثرة في العالم.. علشان كان فيه منها كتير
سهر طول الليل وسرمحة عند كل مقلب زبالة شوية وجري أول ما الشمس تطلع علشان تلحق نصيب أكبر.. أنت كنت فاكره سعي بس هو جري.. جري ورا ريحة أنت مش عارف مصدرها وحلم وأكلة قالولك تصطادها ومحاولة جديدة للنجاة من كل العربيات اللي بتقابلك دي..
جري من الخطر والوقوع والفشل والضياع والحرق وجري من الآخر.. جري من كل حاجة قالولك تجري منها..
جري من الطوب..
فاكر آخر طوبة اتحدفت عليك لما وقفت؟
بس خلاص أنت مش مضطر تجري تاني.. اكتب جوه جحرك إن مفيش حاجة تستاهل الجري منها أو ليها.. لا ريحة حلوة ولا طوبة شايفها بتقرب.. كل ده هوا.. أنت كنت بتجري من هوا ولهوا..
أقف.. العربية دي هتدوسك.. عادي.. كل اللي العالم هيخسره شوية هوّهوّة.

View more

🖤🍂

Μarian
لازم الدرجات الكبيرة من التحرش الجسدي تتصنف تحت بند الإغتصاب.. ولازم عقوبة الإغتصاب توصل للإعدام بخازوق في ميدان عام.. اللي عايشين كأنهم شوية حيوانات في خرابة دول ..لازم يشوفوا العقاب قدام عينيهم.. يا يخافوا يا القانون يخلصنا منهم..

View more

Space..🌻

Basma Abdullah
أي شخص في حياتك مرتبط بيه أو صاحبك.. وتلاقي نفسك بعد أي كلام بينكم محتاج وقت عشان تدخل كلامه في دماغك وتصدقه.. فدي علاقة مريضة، وأنت بتفشخ نفسك وعارف إنك بتفشخ نفسك ..
لو مش عارف فأنا بقولك أهو.. أنت بتفشخ نفسك❤️

View more

_

khokha
كان زمان الإنسان مش بيصحى الساعة سبعة.. كان زمانه معاهوش ساعة أصلًا.. وبيقوم الصبح على لسعة الشمس يبتدي يوم مليان بالنجاحات اللي بتتحقق بأقل مجهودات.. زي إنه يصطاد سمكة.. أو غزالة.. أو ميصطادش حاجة ويتمشى.. أو يكتشف مكان جديد من غير سفينة.. أو يقعد تحت ضل شجرة.. بس مش شجرة تفاح.. أو يجرب يدخن ورق التوت الناشف ده..
بس هو اللي اتنطط.. اشرب بقى يا دكر..

View more

|🦋|

༺✿ آيۧــۃ ✿༻
أنت مش مطالب تخوض أي سباق على أي مستوى.. سواء كان مهني أو تعليمي أو غيره..
جرد كل حاجة حطوها ورسموها على الصورة.. شيل اللي سابقينك من المعادلة.. شيل الإنجازات اللي سموها انجازات علشان عرفوا يعملوها.. واعمل mute لكل صوت بيقولك اجري وحقق واكسب.
بعد ده كله اسأل نفسك إذا كنت راضي عن نفسك ومبسوط ولا لأ.. وفي الغالب هتطلع راضي عن نفسك ومبسوط.. بس بقى.. مش مطلوب منك غير كده.

View more

..🎻

MANAR "kmanga"
اللي عايز يعيش لوحده جبان.. واللي عايز يمشي الدنيا والعالم بكتالوجه وأفكاره وآراءه هو لوحده جبان..
أقيم أنواع الشجاعة انك تقبل وجود المختلفين عنك حواليك وتعرف إنك آخر بالنسبة للآخر.. آراءك الحقيقية هي اللي بتقدر تقف قدام الرأي الآخر مش الهشة الخسرانة اللي عايزة تكسب القضية باقصاء واخفاء المخالف ليها.. بطولتك في سماحك بوجود كل حاجة ممكن تكون عكس مبادئك وقناعاتك ومواجهتك ليها من غير ما الاتنين يتغيروا..

View more

- ❧

Noona.R.k سَرُأَبَ
الكون مفيهوش زرار Pause ومكمل دوران من ملايين السنين وهيكمل لملايين جاية ومقارنةً بحجم العمر ده فاحنا بنهزر.. احنا شوية بكتيريا بين صوابع رجلين الكون.. حاجات مش متشافة غير بعينيها هي بس.. أصفار على الشمال في مصفوفة ضخمة.. حتت شحم لازقة على أطراف التروس جوه العجلة الكبيرة..
بس احنا عملنا عجلة أصغر.. حطينا احنا مبادئ دوران كون أصغر.. كتبنا الكتالوج وصنعنا الأكواد والبراويز والأسماء والأيدولوچيات والفروقات والانتماءات والتقسيمات وسيبناه يدور لوحده.. فمن بعيد بقى باين اننا عملنا حاجة.. وصدقنا.. بس احنا؟
احنا بكتيريا

View more

-

يتقدم العمدة الحشد..
أنار آخر مصباحه..
بخطوات متثاقلة تقدم الجميع..
أنير مصباح ثالث.. وبتتابع سريع أنار الجميع مصابيحه.. وقد كان هذا توقيتًا جيدًا لأن يكتشفوا حجم الكارثة.. إن المسألة أكبر من كل شئ.. أكبر من العمدة وزوجته.. أكبر من الضريح والفيروسات والمغامرين الخمسة.. أكبر من المقهى وأكبر من الحشرات والقلب الكبير والكنز.. إن المسألة أكبر من الغرفة نفسها!

View more

+17 answers in: “Thread for...♥🌷”

ماذا لووو..
دب
اللعنة لقد انفتح الباب.. لقد انفتحت الغرفة.. لقد صارت الغرفة عادية مثلها مثل دورة المياه!
بخطى متثاقلة تقدم الجميع.. كانت الغرفة مظلمة للغاية.. تصدر عنها رائحة هواء نظيف ونسمات برد خفيفة.. الجمع يشعر بذلك لكن لا أحد يرى.. الجميع مثل كفيف القرية!
أنار أحدهم مصباح كهربائي..

View more

+17 answers in: “Thread for...♥🌷”

_

دب
ماذا لو كان بها شئ لا يمكننا استيعابه؟!
دب
ماذا لو كان بالغرفة زومبيز؟!
دب
ماذا لو كـ...ااا..
"الفاس مش هينفع.. لازم حد جامد يدخل في الباب بجسمه"
هكذا قال الحاج ناصر مالك غيط شرق المستشفى، فأتاه رد شاب عشريني:
" أنت ترجع الغيط"
دب
ماذا لو كان هذا كله مجرد حلم سخيف؟!
دب
ماذا لو كنا داخل واقع افتراضي؟!
دب

View more

+17 answers in: “Thread for...♥🌷”
Next