جماعي ،اسفه ع ازعاج ، بس شنو اللي يخلينه نحب الحياة ، احسني ميته من زمان ، ما اضوج من اي شي دائماً اتجاهل و ما احب يكون عندي اصدقاء و اضحك بس احس اكو شي ناقص ، لا تكولون تقربي من الله اني متقربه للحد اللي يخليني براحة بال بس اكو شي ناقص ،اي صح شنو اللي يخلينه نحب الحياة ! متحب/ين تجاوب/ين مساحه😊🌸
مممم الي افتهمته من حجيج انهوانتي هيج دتحاولين تحمين نفسج من الناس تخافين ليخيبون ضنج لو يجرحوج لو يآذوج ف صرتي متهتمين و اكيد متحبين و وساخة بعض الاشخاص و نفسيات البعض الاخر و المجتمع الفاشل و الاوضاع الي دنعيشها هاي كولها عوامل خلتنه نحس انهو حياتنه بله طعم صارت حياة بدون الوان حياة باهته بس شنو الي حيخليج تحبين هاي الحياة الباهته والي مالها طعم ! اني بؤجهه نظري الحلم اذا ماعندج حلم حتبقين تحسين انهو حياتج بيها نقص حتحسين انهو ماعندج هدف بهاي لحياة ف نصيحه خل يصير عندج حلم و هدف لحياتج مهما كان حلمج حته لو حلم مستحيل حاولي تحققي و كرسي حياتج اله صدكيني اذا خليتي هدف لحياتج هذا الفراغ و النقص الي دتحسين بي حيزول و كل متحسين انهو شي نقص اذكري حلمج و لتسولفين الاي شخص ع حلمج لان احتمال يحجي حجي سلبي يخليج تيأسين و حته اذا سمعتي هيج حجي سمعي و غلسي تره كبار لشخصيات بالعالم واجهو حياة صعبه بالبدايه و كومه ناس جانو يحجون عليهم مثلاً ستيف جؤبس مإسس شركه ابل بيل كيكس مآسس شركه مايكرو سوفت و صاحب اكبر ملكيه ماليه حالياً واال دزني مآسس شركآت دزني من اكبر شركات الافلام وستيفن هؤكينغ من اكبر علماء الفيزياء حالياً و اذا تكولين ذولي كؤلهم مو مسلمين او حياتهم بالغرب تختلف ف خلي قدوتج النبي محمد و شكد واجه صعوبات قبل ليحقق هدفه و هوه نشر الاسلام و اتمام رساله الله اسف للاطاله و اتمنه تستفادين من نصيحتي ^^