الاحتواء عمره ما بيبان من الأول.. حقيقة الاحتواء بتبان مع الوقت سهل حد في الأول يطبطب عليك لما تحزن.. بس الصعب إنه بعدين مايزهقش من الطبطبة على قلبك في كل مرة بيقع فيها سهل حد يتصالح مع اختلافاتكم في الأول.. بس الصعب إنه يتعايش معاها بعد وقت سهل إن واحد يسمعك أول مرات.. بس الصعب هو إن حد يفضل يسمع اللي جواك كأنه بيسمعه لأول مرة سهل قوي حد يحتويك في الأول.. بس اللي بيحبك بس هو اللي بيحتويك حقيقي مع الوقت.
بجد أكتر حاجه بتشدني لأى حد وبتخلينى أعجب بيه من غير تفكير هى خفه الدم والبساطه، انا بحب الناس اللي دمهم خفيف وبيهزرو كتير جدا، الى الإبتسامه مبتفارقش وشهم ومبيعرفوش يكملو جمله على بعضها الا اما تلاقيهم بيعملو أى حاجه تجبرك انك تضحك، الى بتحس إنك مش غريب وانت وسطهم وعلى طبيعتك .
