ازاى اتعامل مع الشخص الكتوم او اللي مش بيعرف يحكى مشاكله ازاى اعرف اخرجه من الحزن ؟
بص حقيقى مفيش حد كتوم ولكن الشخص بيبدأ يحكى ويتكلم لما يحس بالأمان مع الشخص اللي معاه تحاول تهتم ب ادق تفاصيله تخاف على زعله وتشاركه زعله وفرحه كل شئ احتويه وتحاول تحلو كل حاجه سوا وتعمل اى حاجه تفرحها بس كدا🙂
أنا زعلي بيبقى من الشخص اللي زعلني أكتر من زعلي من الموقف نفسه؛ اللي هو عايز أقول له بقى تيجي منّك إنتَ؟ طيب هُنت عليك إزاي؟ودا نوع كدا من الزعل بايخ اِسمه (أنا زعلت إنها جات منّك) وفي اللحظة دي الواحد بتصعب عليه نفسه بطريقه لا ينفع تتوصف ولا حتى تتحكي.
مش هتعيش سعيد طول الوقت، في أيام هتبقى سعيد وأيام تانية هتبقى حزين، أيام بالك هيبقى رايق وأيام مشغول، أيام هتنام بسهولة وأيام من كُتر التفكير عينك مش هتشوف النوم .. دوام الحال من المُحال.عشان كدا قول اللهم يا مُغيّر الأحوال غيّر حالنا إلى أحسن حال، و سخر لنا من حظوظ الدنيا كُل خير وإصرف عنا كل شر .. إنك على كُل شيءٍ قدير.
لما نضجت عرفت إن الحب بيجي في المرتبة الأخيره من أولويات الزواج ( الأخيرة والله مش مجازا ) فيه نقط كتير جدا تترتب قبله التفاهم الإحتواءالإنجذاب ( أهم بكتير من الحب إنك تحس إن الشخص لافت نظرك وراضيك نفسيا وعقليا وجسديا ) ❤الونس وإنك مش زهقان منه مهما طال الوقت ..تأمنله ( على الكلام وعلى أسرارك وضعفك وعلى أنه ميغدرش بيك ويسيبك فجأه)الإنتماء( تحس إن الشخص دا بيعاملك أنك فرد منه وإن فيه صلة بينكم)السند ( بتسندو بعض وتشجعو بعض وكل واحد بيتمنى للتاني إنه يعلى ويكبر ) وأهم حاجه بالنسبالي الاقيه بيطمني وقت ما اكون خايفة مش يزود قلقي وتوتريالعيوب الي فيكم بتعرفو تتعاملو معاها مش تتغاضو عنها لحد متتجوزو ونبدأ مرازيهبالنسبالي كل دا أهم مليون مرة من الحب الساذج الي ممكن يشدك ناحية حد لا مناسب اجتماعيا ولا خلقا ولا ماديا ولا فكريا❤️
فِكرة إن حد يتلكك علشان يصالحك ويكلمك دى كفيله تطمنك بجد، إحساس إن يبقى بينك وبين حد بتحبه تاتش وتلاقيه بيحاول يعمل أى حاجة عشان يلم الموضوع دى عندى بالدنيا ومافيها، أنا حقيقى مُمتن للناس البسيطة اللى بتحب تلم أى مشكله فى أولها عشان ميبقاش فيه حوار، مُمتن للنكش اللى بيجى فى وسط الزعل حتى لو الزعل متنساش فى نفس الوقت بس على الأقل حسيت إنى مهونتش عليك، حسيت بقيمتى وغلاوتى فى قلبك.
واحدة من أجمل الجمل اللي قرأتها في حياتي "كلٌ يراك بعين طبعه وبقدر محبتك في قلبه".فا انت هتلاقي في حياتك اللي بيشوفك أطيب الناس، وهتلاقي اللي بيشوفك أسوأهم. هتقابل ناس بتنسالك خمسين موقف حلو عشان بس قصرت مرة، وناس بتدور لك على أعذار وبيظهرولك قد ايه انت جميل! هتقابل ناس ما بتبطلش تنتقدك، وناس هيخلصوا كل الكلام الجميل في وصفك. هتقابل ناس بتكرهك بدون سبب، وناس بتخترع أسباب تحببها فيك!وفي النهاية أنت نفس الشخص، ولكن كل عين تراك على قدر محبتها لك وكلٌ يراك من الزاوية التي تقف فيها من قلبه.
بص تكره الوحده دا شئ كويس محدش بيحب الوحده حتى لو قولنا كدا وقت زعلنا بس اكيد ف حد بترتاح معاه أو بنحس بالامان ف وجوده وقبل كل دا ربنا ب كل الناس الشوق جميل بس وحش لما تكون مش عارف تكلم الشخص دا أو توضحله مدى شوقك الحاجه للناس شئ فعلا مش حلو علشان كدا بنقول ربنا ميوحجناش إلا للخالقنا