طول عمرى مش عاوزه حاجه من الدنيا دى غير انى ادرس حاجه بحبها واشتغل ف مكان بحبه يحسسنى انى good enough ويبقا حواليا دايره بسيطه من الاشخاص الي بحبهم نضحكلنا ضحكتين سوا واروح بيتى انام وخلاص كدا، اتمنى ان ده يكون مستقبلى حتى لو كل الاشارات بتقول عكس كدا🧡
"ستظل تتفاجئ بردّات الفعل التي لم تكن تتخيلها، ثُم ستصل إلى يقين تام بأن كُل شيء مُمكن أن يحدث، ومن أي شخص، وأن الله هو الأمان الوحيد في فوضى هذه الأرض."
الانسان مهووس بفكرة هيحصل ايه في الآخر ..وبيرفض فرضية الكنز في الرحلة عشان كليشيه وعشان افيه ظريف الصراحة لكن الحقيقة انك مبتسمعش اغنية عشان اخر كلمة ..ومبتاكلش اكلة حلوة عشان اخر حتة عيش..ومبتروحش تقعد مع اصحابك عشان اخر كام جملة...ولكن بمنتهي التناقض منتظر حكمة من وجودك كله..رغم ان وجودك هو عبارة عن مجموع كل التجارب الجميلة دي. اكتر سؤال بيضيع متعة التجربة هو "هنستفيد ايه في الاخر؟" ..معرفش بس تعالي نشوف ايه اللي معانا دلوقتي.
ويبقى الشُغل هو الملجأ الأنسب لدفن أحزانك وتناسيها، طول ما إنتَ مسحول مش هيبقى في مجال للأكلان اللي بيحصل في دماغك، اِشغلوا نفسكم عشان ماتتعبوش، وعلى أد ما الشُغل مُمكن يكون مُرهِق بس هيقلل الـOverthinking عمومًا.