أنا رفيعه وبجد نفسيتي تعبت غير اني بسمع كلام بيوجعني أنا مش رفيعه اوي يعني ف ارفع مني وعايشين حياتهم عادي ف بجد حاولت بكل الطرق اني أزيد ومفيش حل اعمل اي؟
_هو عشان أنا رفيعه يبقي مش هتجوز؟
تقبلى نفسك زى ما انتى انتى جميلة بكل الأحوال 🤍
الزواج قسمة ونصيب وإن شاءلله ربنا يرزقك باللى يبقى شاريكى وحبك زى ما انتى مش اللى بيدور ع الشكل 🤍💦
دي عدم ثقه بقى
يعني حاطة كلام الناس ف دماغك ليه هما ال بيأكلوكي ويشربوكي ولا اي!!
بصي كلام الناس مبيخلصش ومش لاقيين حاجه يعملوها ف حياتهم غير انهم يتكلموا وبس مهو الكلام ببلاش بقى دي الحاجة الوحيدة ال ببلاش ف الزمن دا😂 يعني لو تخينة هيتكلموا لو رفيعه هيتكلموا عارفه لو انتي ملكة جمال العالم هيتكلموا برضو😂
ف طلعي الهري دا كله م دماغك واعملي ال انتي شايفاه صح ويعجبك انتي وتكوني راضيه عنه وخليكي واثقه م نفسك ي قمراية وربنا هيفرحك قريب وهتبقي عروسة أن شاء الله 🤍🌹
لا الرفيع عاجبه حاله ولا التخين متهنى 🙂 بت انتى قمر كده ملكيش دعوه بحد فكك بجد وانزلى اشترى جيمبسوت علشان انا نفسى فيها و مستنيه اخس علشان البسها 😂🙊❤❤❤ وفكك يحببتى من حوار علشان رفيعه مش هتجوز ده نصيب حبيبتى حتى لو فى رجاله بتهتم بالجسم فى رجاله بتحب الرفيعين عادى و فى رجاله مبتهتمش بالحوار متفكريش كتير علشان متزعليش نفسك وتفقدى ثقتك 🤷🏻♀️
يابنتي والله انا نفسي اخس 😂اللي قالك كده اكيد عالم بصورم
حلبه بعسل اسود و دي عن تجربه
انزلي جيم واهتمي بالوجبات وتحليل دم لو في انيميا وتحليل غدة و stool analysis
علشان لو في ديدان ولو ظهرت اي مشكله من دول تعالجيها ومع الجيم خلال 6 شهور تتخني
هو ليه اسك اف ام فوكسد اوي عالجواز
إى العلاقه؟
متهتميش بكلام حد..
المفروض ال يقلقك هل دا ليه أثر على صحتك ولا لأ؟ يعنى عندك أنيميا أو أى حاجه تانيه.. وتحاول تعالجيها..
حبي نفسك وجسمك ومتسمعيش كلام حد..
قد يكون حد بيقول كلام ليكى مش حلو لانه غيران ف متشغليش بالك..
حببتي أولا الزواج والإرتباط ده نصيب فاهماني يعني أوعي تفكري إنك ممكن متتجوزيش بسبب رفعك لأ يا ست البنات أكيد عندك مميزات كتير جدا وروحك جميلة وأسلوبك وحاجات تانية كتير هي اللي هتجذب الناس ليكي فهماني ومتركزيش في موضوع الوزن ده ياما ناس تخينة ونفسها ترفع وأولهم أنا 😂
اقتنعي بس انك جميله كدا زي ما انتي
علشانك و علشان نفسيتك مش علشان تتجوزي
الجواز في الأول و الآخر نصيب
و تجاهلي كلام الناس علشان بيتكلموا في كل الحالات ،، ففكك
