كتيير بصراحه بس الموقف اللى فكراه دايما ان كان فى ولد شتم اخويا واحنا صغييرين فالمهم جمعنا بعض كلنا وولاد عمى وكدا وخدنا عصيان وطوب كتيير وروحنا عند بيته حدفنا بالطوب ومستنينه يخرج عشان نضربه المشكله اني كنت القائد بتاعهم عشان انا الكبيره وكدا 🤡😂والمشكله الاكبر ان الولد دا قدى فى السن فكل ما اشوف وشه ببقى عايزه اقوله انا اسفه والله الواحد كان اهطل 🥲🤡😂😂
بالرغم من ان الايام ما رحمتنيش وعشت ايام ومواقف كتير صعبه مش عارفه انا نجيت منها ازاى اصلا وخدت صدمات وخيبات من اقرب الناس ليا ولقلبى إلا إنى ممتنه لكل حاجه مريت بيها فى نفس الوقت عشان خلتنى إنسانه قويه وناضجه وعارفه قيمه نفسها اكتر معتمده على نفسها فى كل حاجه»» وعلى جانب اخر لسه بحاول مقباش قاسيه مع اى حد اقابله واكون لطيفه وحنينه بالقدر الكافي واساعد حد لو احتاجنى باختصار لسه فيا خير بالرغم القرف اللي شوفته!!
الزعل مؤقت بمعنى؟ حد عمل حاجه ضايقتنى فزعلت شويه وهينتهى الموضوع خلاص انما عدم الرضا بقضاء الله يعيشك فى حزن طول الوقت فالاول والاخر لازم هترضي بالمكتوبلك عشان ماحدش بياخد اكتر من نصيبه ولو فى حد عنده اجابه افضل ممكن يفيدك ☺️
أكتر حاجه بتمناها من ربنا الفتره دى هى إنى ماتغيرش اكتر من كدا وابقى قاسيه عشان انا لو قسيت هبقى وحشه قوي الايام والمواقف كل يوم بتأكدلى إنه لا لازم اتغير بس يارب لو هتغير غيرنى للأحسن وماتخلينش اخدها جاد قوى كدا عشان هى مش دايمه ♥