أعرف ناس عندها درجة قبول فوق ما تتخيل والله، ممكن أحب ناس لسه عارفها بقالي كام ساعة مش كام يوم ولا سنة، مش بالمدة ولا بالعشرة ولا الكلام ده، في ناس تستحق تتحب علطول كده 🖤
الصحوبية بتتاخد باكدچ يعني مينفعش تفرح وتنساني من فرحك، مينفعش تزعل ومكنش معاك، مينفعش أحتاج حاجة ومتبقاش جمبي. مفيش صحاب بيخبوا ويكدبوا ويتلاءموا ويغييروا من بعض. إحنا كبرنا أقل موقف بيفرق معانا لو عملت حاجة صغيرة حلوة بفضل فاكرهالك ولو شيلتني يوم اشيلك عمر بحاله عايشها معاك وبقاسمك كل حاجة، مش بالسنين الصحوبية مواقف والعزوة حلوة بس في صاحب ب 1000 وصاحب ميسواش والناقص بناقص..