عمري ماهانت عليا العشرة ولا حبيت أخسر حد كان بيني وبينه علاقة في يوم من الأيام ، لإني بطبعي شخص مش قاسي ابداً ومبحبش أخسر الناس ، بس فيه ناس أفعالها بتجبرني على دا وحفاظاً على كرامتي ومشاعري ، باخد قرار الرحيل والبعد لإن نفسي ليها عليا حق .
عموماً الحاجه الوحيده اللي محدش هيختلف فيها ف العلاقات هي "إحساس الأمان" إنك تحس إن مكانك محدش يقدر ياخده، وإن مفيش زيك ولا هيكون مهما ظهر حد تاني أحسن منك هيتقابل بالرفض، وإن غيابك كفيل ميخليش اليوم يعدي، وإنك مهما تعبت أو أنطفيت لسه متشاف أحسن حد ف حياة الشخص اللى بتحبه .