كلامك صح فغالب الطبقات المخمليه الاصيله تبني الزواج على اساس النسب و المال و المنصب. التدين قد ينظر له لكن بدون تاثير في القرار. فقضية الزواج من الرقص و يسالون عن تدينها عباره عن فصام اجتماعي لدى الطبقه الكادحه فقط و التي تعتبر التدين مقياس رئيس في الارتباط مع لفته دنيويه كتفاصيل الجسد او المال.
لا أبداً إذا كنت غني بتقدر تشتري أشياء ثمينة وماركات فارهة فقط بس الأفكار والقناعات مارح تتأثر كثير وإذا كنت طبقة متوسطة صح إنك مابتقدر تشتري كل شي وبتقنن مصروفاتك لكن عمرها القناعات ماتتغير وأنا شايفة بنات تحسن مستواها المادي بالتدريج لكن قناعاتها ماتغيرت صح قدرت تشتري ماركات وذهب وسيارة وتصيف كل سنة في أوروبا لكن نفس ماهي نفس الشخصية ونفس الأسلوب زيادة الدخل هو زيادة قوة شراء مايغيير القناعات كثير
المنصب و المال و الحسب/النسب اقوى ثلاث اضلاع اجتماع لسلطه قويه اجتماعيا. و ازيدك ان المال افيون و يشتري حتى الشرف بمعنى ان الناس تنسى كل شي بخصوص الشخص و تنظر لماله. فالقضيه الاجتماعيه الي نسميها تناقضات هي فقط لدى الطبقه الكادحه التي تسعى لتغيير طبقتها الاجتماعيه.
كاني هذرت واجد؟
ماقنعتني ترا شفت بنات غير محجبات وطول عمرها ماتعرف وش عباية وهي فقيرة وبنات طبقة مخملية ومنقبات وعباة رأس القناعات وأسلوب الحياة والاعتقاد والافكار مالهم بالدخل المادي مثلاً الزواج الكل يتزوج والكوفيات والمطاعم الكل يروح لها
اختلف معك
اجتماعيا الشعب لنصفين. الاول ذو نفوذ (برجوازي) و الثاني صاحب مهنه (كادح). الطبقه البرجوازيه تحدد ما على الطبقه الكادحه ان تفعل. البرجوازيين يملكون قوة الكلمة و نفاذ الامر والا مو متعطلين عندهم سواقين و السينما يشوفونها برى. الكادحين الي يبون يصيرون برجوازيين يقلدونهم بكل شي حتى تقلب رايهم
شدعوا الطبقة المخملية ماتعدي ١٠ ٪ من الشعب والطبقة الكادحة ٧٠ ٪ من الشعب في بنات أعرفهم من الطبقة المخملية ماساقت لانها تخاف وفيه بنات طبقة متوسطة ساقوا شدعوا فيه سيارات رخيصة وفيه سيارات مستخدمة استخدام نظيف بسعر زهيد بعضها استخدام ستة شهور وتذكرة السينما ٦٠ ريال والحفلات الغنائية فيه تذاكر ب١٢٠ ريال هذي أسلوب حياة الكل يقدر يسويه ماهي ساعة روليككس ولا بنتلي عشان تكون اختصاص الطبقة المخملية الطبقة المخملية أساساً شارين لهم بيوت في أوروبا وامريكا يمكن مايجون السعودية الا ٣ شهور في السنة
تراكم تقصدون نوعين مختلفين. الي يختارونها من رقصها بيسالون عن صلاتها؟ بس انتوا تحبون تكبرون المواضيع. ترى المتناقضين حفنه قليله من الحثاله لاتعطونهم وجه
لانص شعب مستشرف ينقدون الشي بعدين هم أول من يطيحون به زي سواقة البنات والسينما والحفلات الغنائية بعدين الآن الشوارع زحمة من سواقة البنات وسينما الرياض والحفلات كلها زحمة
بعيدا عن التقديس الذاتي و الغرور و الزعطه و الهياط
هل ستتخلى عن حياتك او تعرضها للخطر مقابل نجاة اخرين يفوق تعدادهم المئة نسمه؟ و ليش؟
يعتمد على طبيعة الشخص الأنسان طبيعته حب الحياة وبغريزته أناني بس فيه أشخاص ممكن تضحي وسمعنا قصص كثير حقيقية عن آباء في الدول إلي فيها حروب ضحوا في حياتهم في سبيل عيش أبنائهم وفيه مرة جت لنا حالة في المستشفى الأب كان متوفي بسبب حادث وعنده بنت وولد أعمارهم ١٠ و١٢ سنة كانوا معاه في السيارة الأب هو الي كان يسوق والأب توفى وأولاده عاشوا بالعادة في حوادث السيارات ٩٩ ٪ من السائق هو الي يعيش والي معاه يتوفون لأن الي يسوق ويحاول يتفادى الضربة ويتحكم بالسيارة بس الأب واضح إن ضحى بحياته عشان أولاده وخلى الضربة تكون جهته هو عشان يحمي أولاده