كل بنت تستاهل إنها تتحب زي ماهيَّ ، كل إنسان عموماً محتاج حد يتقبل كل تفصيلة فيه ، والمقصود هنا الحاجات اللي ملناش دخل فيها ، هو ربنا خلقنا بيها كده ، لا ينفع نغيرها ولا نعدلها ، كل إنسان محتاج يحس إنه محبوب ومرغوب وجميل داخليا وخارجيا ، ربنا دايما بيعوّض باللي يستاهل ويحب ويقدّر ، اللي يعرف يداوي كل جرح اتسبب فيه ، ناس سوية يعرفوا يبنوا جواک الثقه والسلام النفسي ، اللي حُبه ليك عمره مـَ يتأثر مهما شاف فيك أو عرف عنك ، هو حَبك وقَبَلك وعايزك زي ما انت كده . مؤمن دايما بمقولة " فيه حد أنت لسه مقابلتوش بيتمني يقابل حد زيک "♥️
الغلطة الكبيرة اللي بيغلطها ناس كتير مننا؛ إننا بندور على الحب، قبل حتى ما ندور على تكوين مستقبل عظيم لنفسنا.أولويات الحياة، مش الحب؛ أولويته دايمًا هي نفسك، إنت فين دلوقتي وعايز تكون فين بعدين.فمينفعش تفكر في حب وارتباط، وإنت مش محقق حاجة تكون مسار إعجاب أي حد بيك، ومينفعش تحط أولويات على نفسك.وقت ما تكون جاهز ماديًا ونفسيًا للحب، هتلاقيه اتوجد، لكن متدورش عليه وإنت مهمل في نفسك.