-غيداء القواقنة 🌻🖤العتب على قد المحبة. بتعاتب حدّ بتحبه لأنك ببساطة ما بدك تخسره، ولسا شايف أمل أنه يتغير والإنسان بطبيعته لأزم يعطي فرص مش من أول مرة بطلعلك تتخلى وبس تعطي فرص للقدامك لإنك إبن أصول مش لإنك إنسان ضعيف، ومعندك شخصية، وفعلاً بتعاتب أول مرة من المحبة والثانية والثالثة، وبس توصل لمرحلة أنه يلي قدامك لو بده يتغير رح يتغير لحاله وأكيد أنت ما بتعاتب على لون عيونه لدرجة أنه مش قادر يغيرها، ممكن تتغاضى مرة وعشر مرات مقابل ما تخسر إنسان بتحبه، بس بالنهاية أنت إنسان وبدك حدّ يضحي عشانك ويتغير عشانك وأنت مش طالب منه المستحيل، كل يلي بدك إياه إنك تلاقي شخص حقيقي.بعدين بتتعب من العتب من كثر الأخطاء يلي بتتكرر، بتتعب من الأخطاء يلي بتأذي روحك، وآخر شيء ما بظل فيك حيل لحتى اتعاتب، وبكون آخر عتاب رفع عتب عنك، لأنك قررت تمشي وأنت مرتاح.