أنا وحيدة بروح وبرجع من الكلية لوحدى بروح الأمتحان لوحدى وبرجع لوحدى لما ببقا زعلانه أو فرحانه مبلاقيش حد اقوله مبلاقيش حتى حد أخرج معاه بس عشان اخفف عن نفسي والله احيانا ببقا محتاجه اشترى حاجه وبرجع السكن بسبب أنى مش لاقيه حد يختار معايا بقا مجرد ذكر سيرة الصحاب بيخلينى اعيط من الزعل ع نفسي اعمل اي
انا كنت زيك كده فترة خدت قرار ان دا مش هيعطلني عن حاجه بقيت اعمل كل حاجه لوحدي منها اني بنزل اشتري اللبس لوحدي لحد الأن وانا عندي صحاب بردو وكنت بروح الكورسات لوحدي والجيم لوحدي وأحيانا كنت بنزل اقعد فالكافيهات لوحدي وممكن اتأخر بالليل لوحدي دا لحد ماتخرجت دا وصلني لإي بقا ان اتعودت ع كدا وبقيت رافضه الناس اول ما جيت اشتغل لقيتني بتعامل بالعافيه قعدت كتير أوي مش عارفه اندمج مع اللي حواليا وهم فاكريني انطوائيه ودا العيب الوحيد تقريبا.. بس دا نفعني كتير ان انا عمري ما ربطت نفسي بحد ولا قارنت نفسي بحد بقا عندي الجرأة ان انا اروح اي مكان وامشي دايما ورا مصلحتي واعمل اللي نفسي فيه وانا محدش معايا .. بصي خليكي مقتنعه ان اللي عايز يكون مختلف لازم يمشي لوحده لإن اللمه مش نافعه الايام دي وخصوصا لو أهدافك ودماغك مش زي اللي هتمشي معاهم فعشان تنفعي نفسك هتضطري تمشي لوحدك فاتجاه محدش هيكون معاكي فيه.
