انتي ليه لما بتزعلي مع حد عمرك ما بترجعي معاه زي الاول
انا مش هنكر اني مش بسامح ومش بنسي بس بجد بجد انا ببذل مجهود كبير جدا فأني متقفلش من الشخص ويبقي وجوده زي عدمه بس والله هما اللي بيخلوني اعمل كدا ومواقف بقا تبينلك انك ولا حاجه عندهم اصلا وانا عمري ما قطعت مع حد هما اللي بيقطعوا بأي شكل بقا اكلمهم يبقوا اونلاين وميردوش اسئل وهما ميسألوش أتغافل ف كذا حاجه وهما لا اعمل حاجه فوق طاقتي وفي الاخر حد يقولي محدش طلب منك تعملي كدا بصي بقا مواقف كتير من دي فأكيد بعد اي موقف من ده مش هرجع زي الاول وانا مش بسامح او بنسي انا بفضل فاكره كل موقف بالحرف والموضوع ده بيأذيني نفسياً فبضطر اشتري دماغي من اي حاجه تتعبني
شكلك ولبسك حلو علي طول خليكي كدا دايما وبجد شكل الفستان كان حلو عليكي ناقصك بس تاخدي بالك من اللي بيحبوكي ومتفهميش غلط انا مش قصدي وحش وتردي بجمدان كدا علي اي حد
شكرا? بس اي حوار ارد بجمدان ده مش فاهمه يعني مفروض اتمايص مع اي حد بيكلمني ولا اي ?
في حاجات كتير الحمد لله اتحققت كان نفسي فيها كنت دايماً بدعي اني ابقي صوره كويسه للإسلام وليسي يبقي كويس لحد ما ربنا رزقني ولبست الخمار من ٢ ثانوي كنت بدعي اني انجح ومفيش مره ربنا خيب أملي والحمد لله كل سنه بنجح بأمتياز ماما كانت تعبانه في مره جدا لدرجة انها مكنتش بتتحرك وفضلت شهر رمضان كله كدا وفي اخر الشهر الحمد لله بقت كويسه جدا والمرض خف تماما بدعي دايماً لأصحابي انهم يكملوا مشوارهم وكل فتره بلاقيهم بياخدوا خطوه جديده فضل ربنا عليا كتير لدرجة لا تُحصي في بوست او اجابه ❤️❤️
“إلى صديقتي التي تؤرقها فكرة حزني؛ أنتِ الملاذ الأول في قلبي وإن كثرت الطرق حيثُ الهرب. أنتِ السلام الذي أعيشه بينما خلفي أرضٌ يسكنها الحرب؛ والخراب. إلى صديقتي التي اختارها قلبي لتكون أختي؛ فيكِ حُسن الانتقاء .. وأجمل التفاصيل التي قد تسكُن صديقًا. أنتِ تشبهين السماء .. والفضاء؛ حضنك واسعٌ كالمدى؛ ولا يعرفني إلاكِ. إلى صديقتي .. شكرًا لأيامي التي أتت بكِ؛ وشكرًا لكل الظروف التي مهّدت الطريق لأن تكوني في حياتي؛ فأنتِ الآن كل الحياة.” @doaamontasser1 ❤️
انتي عملتي اي لما مكنتيش بتنامي عندي أرق من امبارح وصداع
متابعه مع دكتوره وبطلت مهدئات ومنومات وبطلت قهوه كام يوم بس رجعتلها وببعد عن اي ضغط او عصبيه لان الأرق كان بسبب نفسي عندي وبقرأ الأذكار وشوية من سورة البقره قبل ما ادخل السرير وحالياً بقيت بنام حوالي ٤ ساعات في اليوم الحمد لله ? فأنتي حاولي تبطلي منبهات ومتخافيش هتنامي لو الموضوع زاد عن ٣ ايام روحي لدكتور احسن لو مش بتنامي خالص